މިއަހަރު ސާފް ޗެމްޕިއަންޝިޕް ބޭއްވުމުގެ ފުރުސަތު ރާއްޖެއަށް ލިބުމަކީ ބޮޑު އުފަލެއް ކަމަށް ރައީސުލް ޖުމްޙޫރިއްޔާ އިބްރާހިމް މުހައްމަދު ސޯލިހް ވިދާޅުވެއްޖެ އެވެ.
ރާއްޖޭގައި ސާފް ޗެމްޕިއަންޝިޕް ބާއްވަން ސާފްގެ މެމްބަރު ގައުމުތަކުގެ ބައްދަލުވުމުން ނިންމާ ގުޅިގެން ރައީސް ވަނީ އެކަމާ އުފާފާޅު ކުރައްވާ ޓުވީޓު ކުރައްވާ އެމަނިކުފާނުގެ އިހްސާސްތައް ހިއްސާ ކުރައްވާފައި އެވެ. އަދި އެ ފުރުސަތު ރާއްޖެއަށް ލިބުނީތީ އެފްއޭއެމް އަށާއި އެ ފުރުސަތު ރާއްޖެއަށް ހޯދަދޭން ބުރަކޮށް މަސައްކަތް ކުރި ހުރިހާ ފަރާތްތަކަކަށް މަރުހަބާ ދަންނަވާފައި އެވެ.
Exciting news! Maldives has been selected as the hosts for this year’s SAFF Football Championship to be held in October.
My congratulations to @MaldivesFA and others in the sports fraternity who worked hard to make this possible.
— Ibrahim Mohamed Solih (@ibusolih) August 9, 2021
މިއީ ރާއްޖޭގައި މި މުބާރާތް ބޭއްވުމުގެ ފުރުސަތު ލިބޭ ދެވަނަ ފަހަރެވެ. މިއަހަރުގެ މުބާރާތް ބޭއްވުމަށް ހަމަޖެހިފައިވަނީ އޮކްޓޫބަރު 1 ކުން 15 ގެ ނިޔަލަށެވެ.
އެންމެފަހުން ރާއްޖޭގައި މުބާރާތް ބޭއްވި 2008 ވަނަ އަހަރު ރާއްޖެއިން ވަނީ މުބާރާތުގެ ޗެމްޕިއަންކަންވެސް ނަގާފައެވެ. އަދި އެންމެ ފަހުން 2018 ވަނަ އަހަރު ބޭއްވި މުބާރާތުގެ ޗެމްޕިއަންކަންވެސް ރާއްޖެއިން ހޯދާފައިވެއެވެ.