ސ. ހިތަދޫ ރީޖަނަލް ހޮސްޕިޓަލް (އެޗްއާރްއެޗް) ގެ މުހިންމު ދާއިރާތަކަށް ބޭނުންވާ ހުރިހާ ސްޕެޝަލިސްޓުން މިހާރު ހަމައަށް އެބަތިބި ކަމަށް އެ ހޮސްޕިޓަލުން ބުނެފި އެވެ.
އެޗްއާރްއެޗްގެ މެނޭޖަރު ހަދީޖާ ހަފްސާ ވިދާޅުވީ މުހިންމު ބަލިތަކަށް ބޭނުންވާ ޚާއްސަ ޑޮކްޓަރުން ނެތިގެން ދިމާވި މައްސަލަ މިހާރު ހައްލުވެފައިވާ ކަމަށެވެ.
އޭނާ ވިދާޅުވީ މީގެ ސަބަބުން ހިދުމަތް ދިނުމުގައި މިހާރު ބޮޑެތި ފަސޭހަތަކެއް ލިބިފައިވާ ކަމަށެވެ. އަދި އެގޮތުން ފާއިތުވި މަހެއްހާ ދުވަހަށް ގިނަ ދާއިރާތަކަކުން ޑޮކްޓަރުން ހަމަވުމަކީ ލިބުނު ވަރަށް ބޮޑު ކުރިއެރުމެއް ކަމަށް ހަފްސާ ވިދާޅުވިއެވެ.
އޭނާ އަދި ވިދާޅުވީ މިހާރު ހޮސްޕިޓަލުގައި ބައެއް ސްޕެޝަލިޓީސްތަކުން ދެ ޑޮކްޓަރުން ވެސް މަސައްކަތް ކުރަމުންދާ ކަމަށެވެ. އެެހެންވެ ޑޮކްޓަރަށް ދައްކަން ބޭނުންވާ މީހުންނަށް އެޕޮއިންޓްމަންޓް ހޯދުމުގައި ކުރިއަށް ވުރެ މާ ބޮޑަށް ވެސް ފަސޭހަވެގެން ދާނެ ކަމަށް ވިދާޅުވި އެވެ.
އޭގެ ތެރޭގައި އަންހެނުންގެ ޑޮކްޓަރާއި ސާޖަން އަދި ޑެންޓަލްގެ ފަދަ ބަލިތަކުގެ ޑޮކްޓަރުން ހިމެނެ އެވެ.