އިންޑިއާގެ ނިއުދިއްލީގައި ދުއްވަމުން ދިޔަބަހެއްގައި މިދިޔަ ޑިސެމްބަރ މަހުގެ ސޯޅަ ވަނަ ދުވަހުގެ ރޭ 23 އަހަރުގެ އަންހެން ކުއްޖަކު ރޭޕްކޮށްލި ހާދިސާގެ މައްޗަށް ބިނާކޮށް މަޝްހޫރު ޓީވީ ޝޯވް "ކްރައިމް ޕެޓްރޯލް" އިން އެޕިސޯޑެއް ތައްޔާރު ކުރުމަށް ނިންމައިފި އެވެ.
"އަޅުގަނޑުމެން މިބަލަނީ މިހާދިސާ ވީހާވެސް ހާގީގަތާއި އެއްގޮތަށް ގެނެވޭތޯ. އަޅުގަނޑުމެން ބޭނުމީ އާންމުންގެ ސަމާލުކަން ހޯދުމެއް ނޫން. ވީހާވެސް ބޮޑަކަށް އަސަރާއެއްކޮށް އަޅުގަނޑުމެންގެ ހިޔާލާއި އަޅުގަނޑުމެން މިކަމާއި މެދު ދެކޭގޮތް ގެނެސްދޭން" ކްރައިމް ޕެޓްރޯލް ހުށަހަޅައިދޭ ފަރާތް ކަމުގައިވާ އަނޫޕް ސޯނީ ބުންޏެވެ.
"ކުރީގަވެސް އަޅުގަނޑުމެން ވާނީ މިކަހަލަ އެތައް ހާދިސާ ތަކެއް ގެނެސްދީފައި. އެކަމަކު ދިއްލީގައި ހިނގާދިޔަ މިހާދިސާއަކީ މިކަމާ ދެކޮޅަށް ވަރަށް ގިނަބަޔަކު ތެދުވި ހާދިސާއަކަށް. އަޅުގަނޑުމެންގެ ކުރީގެ ޝޯވް ތަކުގެވެސް މަޤްސަދަކީ މީހުން މިކަން ކަމަށް ހޭލުންތެރިކުރުވުން. މި އެޕިސޯޑްގެ މަޤްސަދަކީވެސް އެއީ." އަނޫޕް ސޯނީ ބުންޏެވެ.
ދިއްލީގެ މޭޑިކަލް ކޮލެޖެއްގައި "ފިޒިއޮތެރެޕީ" ދާއިރާއިން ޑޮކްޓަރ އަކަށް ވުމުގެ ހުވަފެން ދެކެމުން އައި ޒުވާން އަންހެންކުއްޖާ މަރުވެފައި ވަނީ 6 ފިރިހެނުންގެ ޖިންސީ ޝިކާރައަކަށްވެ ޖިސްމާނީގޮތުންނާއި ނަފްސާނީގޮތުން ލިބުނު ބޮޑެތި އަނިޔާތަކަށް ފަރުވާދެމުން ދަނިކޮށް ސިންގަޕޫރްގެ ހޮސްޕިޓަލެއްގައެވެ.
ފަހުގެ ޙަބަރުތައް ބުނާގޮތުގައި އަންހެންކުއްޖާގެ ލޯބިވެރިޔާވަނީ ފުރަތަމަ ފަހަރަށް މީޑިއާގައި ވާހަކަ ދައްކާފައެވެ. އޭނާ ބުނިގޮތުގައި ސިނަމާއިން ނިކުތުމަށްފަހު ބަހަށް އެމީހުން އެރީ އަންހެން ކުއްޖާ އަވަހަށް ގެއަށްދާން ބޭނުންވުމުން އެހެން ގޮތެއް ނެތުމުން ކަމަށެވެ. އަދި ބަހަށް އެރުމާއެކު މަސްތުވެފައި ތިބި ފިރިހެންނުން އެމީހުންނަށް އަނިޔާ ކުރިކަމަށާއި ، އަދި އަންހެން ކުއްޖާ ސަލާމަށް ކުރަން އުޅުމުގެ ތެރޭގއި އެނަގެ ފައި ބިންދައިގެން ދިޔައެވެ. އެއަށްފަހު އޭނަގެ ލޯބިވެރިޔާ އޭނަ އަތުން ފޭރިގަނެ އޭނަ ކުރިމަތީގައި އެކުއްޖާ ރޭޕްކޮށްލުމަށްފަހު ބޮޑެތި އަނިޔާތައް ކުރިކަމަށް އޭނާ ބުންޏެވެ.
ކްރައިމް ޕެޓްރޯލް އިން މި އެޕިސޯޑް އޮން އެއަރ ކުރަމަށް ހަމަޖެހިފައިވަނީ މިމަހުގެ 11 އަދި 12 ވަނަ ދުވަހުގެ ރެއެވެ.