އައްޑޫގެ ރަށްރަށުގެ މުނިސިޕަލް ހިދުމަތްތަކަށް ގިނަ އަދަދެއްގެ މުވައްޒަފުން ހޯދަން އައްޑޫ ސިޓީ ކައުންސިލުން އިއުލާންކޮށްފި އެވެ.
ައެގޮތުން ތިން ދާއިރާއަކުން މުވައްޒަފުން ހޯދަން ބޭނުންވެ އެވެ. އޭގެ ތެރޭގައި ސްޕަވައިޒަރުންނާއި މަަސައްކަތު މީހުންނާއި ޑްރައިވަރުން ހިމެނެ އެވެ.
މި މަގާމުތަކުގެ މުސާރަތައް ހުރީ 4،100ރ. އާއި 6،000ރ. އާ ދެމެދު އެވެ. އަދި އެލަވަންސްގެ ގޮތުގައި ކޮންމެ މަގާމަކަށް މަހަކު 1،000ރ. ލިބެ އެވެ.
ކައުންސިލުންކޮށްފައިވާ އިއުލާނެއްގައިވާ ގޮތުން ހިތަދު އަށް 36 މުވައްޒަފުން ބޭނުންވެ އެވެ. އޭގެ ތެރޭގައި ހިމެނެނީ 30 މަަސައްކަތު މީހުންނާއި ހަ ޑްރައިވަރުންނާއި ހަ ސްޕަވައިޒަރުންނެވެ.
މަރަދު އަށް ހަތް މަސައްކަތު މީހުންނާއި އެއް ސްޕްވައިޒަރެއް ބޭނުންވެ އެވެ. މަރަދޫފޭދު އާއި ފޭދޫން ކޮންމެ ރަށަކަށް ވެސް ހަތް މަސައްކަތު މީހުންނާއި އެއް ސްޕަވައިޒަރުން ބޭނުންވެ އެވެ.
މީގެ އިތުރުން ހުޅުދު އާއި މީދޫން ކޮންމެ ރަށަކަށް ވެސް ހަތް މަސައްކަތު މީހުންނާއި އެއް ސްޕަވައިޒަރުން ބޭނުންވެ އެވެ.
މި މަގާމުތަކަށް ޝައުގުވެރިވާ ފަރާތްތަކުން މި މަހުގެ 26 ގެ ކުރިން ފޯމް ހުށަހަޅަން ޖެހެ އެވެ.
ފޯމް ހިތަދޫގައި ހުންނަ ކައުންސިލް އިދާރާއިންނާއި ރަށްރަށުގެ ޑިޕާޓްމަންޓްތަކުން މިހާރު ލިބޭނެ އެވެ.