ސްރީލަންކަން އެއާލައިން ގަމާއި ކޮލަމްބޯ އާ ދޭތެރޭ ދަތުރުތަކެއް ފަށައިިފި އެވެ.
ސްރީލަންކަން އެއާލައިން ބުނީ ގަމުން ކޮލަމްބޯއަށް މިހާރު ކުރަމުންދާ ދަތުރު ތަކަކީ މިހާރު ހާލަތައް ބަލާފައި ކުރަމުންދާ ދަތުރުތަކެއް ކަމަށެވެ. އެގޮތުން މިއަދު ވެސް ވަނީ ގަމުން ކޮލަމްބޯއަށް ސްރީލަންކައިން އެއާލައިނުން ދަތުރެއްކޮށްފައި އެވެ. އޭގައި 174 ފަސިންޖަރުން ދަތުރުކުރިއިރު އޭގެ ތެރޭގައި ހިމެނެނީ މުޅިންވެސް ބިދޭސީންނެވެ.
އެ އާލައިންއިން ބުނީ ދެން ދަތުރުކުރުމަށް ހަމަ ޖެހިފައިވަނީ އަންނަ މަހުގެ ތިން ވަނަ ދުވަހު ކަމަށެވެ.
ގަމުން ކޮލަމްބޯއަށް ކުރަމުން އައި ދާއިމީ ދަތުރުތައް ހުއްޓާލީ ކޮވިޑްގެ ހާލަތާ ގުޅިގެންނެވެ. ނަމަވެސް އަލުން ހުވަދުއަތޮޅަށާއި އައްޑޫ ދަތުރުތައް ފެށުމަށް ސްރީލަންކަން އެއާލައިން އިން ގެންދަނީ މަޝްވަރާކުރަމުންނެވެ.