އެންވަޔަރަމެންޓް އެންޑް އެނާޖީ މިނިސްޓްރީގެ ޑެޕިއުޓީ މިނިސްޓަރަކަށް ސ. ހިތަދޫ، މުދިންގެ، އަތުހަރު ހަލީމް ރައީސުލްޖުމްހުރިއްޔާ މިއަދު ހަމަޖައްސަވައިފި އެވެ.
މޯލްޑިވްސް ނެޝަނަލް ޔުނިވާސިޓީން ބެޗްލާސް އޮފް އެންވަޔަރަމެންޓަލް މެނޭޖްމަންޓް ކިޔަވަމުން އަންނަ ޒުވާން އަތުހަރު ކުރިއަށް އޮތް ލޯކަލް ކައުންސިލް އިންތިހާބްގައި ޖުމްހުރީ ޕާޓީގެ ފަރާތުން ހިތަދޫ ދެކުނު ދާއިރާ އަށް ކުރިމަތިލެއްވުމަށް ޕާޓީ ޓިކެޓް ވެސް ހޯއްދެވި އެވެ.
ނަމަވެސް ޕާޓީގެ އެތެރޭގެ މައްސަލަތަކާ ގުޅިގެން އަތުހަރުގެ ނަން ފަހުން ވަނީ އަނބުރާ ގެންދަވާފަ އެވެ.
ޖުމްހުރީ ޕާޓީގެ ބައެއް މެމްބަރުންގެ ބާރު އެޅުމާ އެކު އަތުހަރުގެ ނަންން އަބުރާ ގެންދިޔައީ ޕާޓީގެ ތެރޭގެ އާންމު މަސްލަހަތު ހިފެހެއްޓެވުމަށް ކަމަށް އޭނާ ވަނީ ވިދާޅުވެފަ އެވެ.