އެކުވެރި ޢަރަބި ޢިމާރާތުގެ ވެރިރަށް އަބޫދާބީގެ ގްރީން ލިސްޓަށް އަނެއްކާވެސް ދިވެހިރާއްޖެ އަރައިފިއެވެ.
މިމަހުގެ 17 ވަނަ ދުވަހު އެގައުމުގެ ގްރީން ލިސްޓުން ދިވެހިރާއްޖެ އުނިކޮށްފައިވިނަމަވެސް މިއަދު އެގައުމުގެ ޓުއަރިޒަމް ޑިޕާޓްމަންޓުން އާންމުކޮށްފައިވާ ލިސްޓުގައި ދިވެހިރާއްޖެ ވަނީ ހިމަނާފައެެވެ.
ރާއްޖޭގެ އިތުރުން މިވަގުތު ދުނިޔޭގެ 55 ގައުމެއް އަބޫދާބީގެ ގްރީން ލިސްޓުގައި ހިމަނާފައި އެބައޮތެވެ. އެހެންކަމުން ދިވެހިރާއްޖެއިން އަބޫދާބީއަށް ދަތުރުކުރާ ފަރާތްތަކުން އެގައުމުގައި ދެން ކަރަންޓީން ވާކަށް ނުޖެހޭނެއެވެ. ނަމަވެސް ޕީސީއާރު ޓެސްޓެއް ހަދަން ޖެހޭނެއެވެ.
އަބޫދާބީއަކީ ދިވެހިންގެ މެދުގައި މަގުބޫލު މަންޒިލެކެވެ. އަދި ދިވެހި ބައެއް މަސައްކަތްތެރިންވެސް އަބޫދާބީގައި މަސައްކަތްކޮށް ހަދައެވެ.