ދިވެހިރާއްޖެއިން ޢުމްރާއަށް މީހުން ގެންދިއުމަށް ހުއްދަ ދީފައިވާ ކުންފުނިތަކުގެ ހުއްދައިގެ މުއްދަތު އިތުރުކޮށްދީފި އެވެ.
ރާއްޖެއިން ޢުމްރާއަށް މީހުން ގެންދިއުމަށް މިހާރު ހުއްދަ ދީފައިވާ ކުންފުނިތަކަކީ ދިވެހިރާއްޖެއިން ޢުމްރާއަށް މީހުން ގެންދިއުމާބެހޭ އުޞޫލުގެ ދަށުން 2 (ދޭއް) އަހަރު ދުވަހުގެ މުއްދަތަށް ހުއްދަ ދީފައިވާ ކުންފުނިތަކެވެ.
އިސްލާމިކް މިނިސްޓްރީން ކޮށްފައިވާ އިއުލާނެއްގައި ބުނެފައިވަނީ ކޮވިޑް 19ގެ ސަބަބުން މިދިޔަ އަހަރާއި މި އަހަރުގެ މި
ހިސާބަށް، އެ ކުންފުނިތަކަށް ޢުމްރާ ދަތުރުތައް ރާވާ ހިންގުމަށް އެކަށީގެންވާ ފުރުޞަތެއް ލިބިފައި ނުވާތީ އިތުރު އެއް އަހަރު މުއްދަތު އިތުރުކޮށްދިނުމަށް ނިންމާފައިވާ ކަަމަށެވެ.
"ދިވެހިރާއްޖެއިން ޢުމްރާއަށް މީހުން ގެންދިއުމާބެހޭ އުޞޫލުގެ 24 ވަނަ މާއްދާއިން މި މިނިސްޓްރީއަށް ލިބިދީފައިވާ
އިޚްތިޔާރުގެ ދަށުން، ޢުމްރާއަށް މީހުން ގެންދިއުމަށް މިހާރު ހުއްދަ ދެވިފައިވާ ހުރިހާ ކުންފުނިތަކުގެ ހުއްދައިގެ މުއްދަތު
1 (އެކެއް) އަހަރުދުވަހަށް އިތުރު ކޮށްދީފައިވާ ކަމުގައި ދަންނަވަމެވެ." އިސްލާމިކް މިނިސްޓްރީން ކުރި އިއުލާންގައިވެ އެވެ.
ކޮވިޑެގެ ބަލިމަޑުކަމާގުޅިގެން ރާއްޖެއިން މިދިޔަ އަހަރާއި މިއަހަރު ވެސް މީހުން އުމުރާއާ ހައްޖަށް ގެންދަން ފުރުސަަތު ލިބިފައެއްނުވެ އެވެ.