މަސްތުވާތަކެތި ގެންގުޅެ އެ ތަކެތީގެ ބޭނުން ކުރި ސ. ހުޅުދޫ މީހެއްގެ މައްސަލައިގެ ތަޙުޤީޤު ނިންމައި ދަޢުވާ ކުރުމަށް ޕްރޮސެކިއުޓަ ޖެނެރަލް (ޕީޖީ) ގެ އޮފީހަށް ފޮނުވައިފި އެވެ.
މި މައްސަލާގައި ދައވާ ކުރަން ފޮނުވީ ހުޅުދޫ ރައިޙާނުގޭ ޝިމްޠާން ޢަލީ، 27، ގެ މައްޗަށެވެ.
އޭނާގެ މައްޗަށް ދަޢުވާ ކުރަނީ މި އަހަރުގެ މާޗް 28 ވަނަ ދުވަހު މަސްތުވާތަކެތި ބޭނުންކޮށްގެން ހުރި ކަމަށް ތުޙުމަތު ކުރެވިގެން ފުލުހުންގެ ބެލުމުގެ ދަށަށް ގެނެސް ހަށިގަނޑު ބަލައި ފާސްކުރި އިރު މަސްތުވާތަކެތި ކަމަށް ޝައްކު ކުރެވޭ އެއްޗެއް އަޅާފައި ހުރި އެއް ރަބަރު ޕެކެޓް ފެނިފައިވާ މައްސަލަ އާއި ފުލުހުންގެ ބެލުމުގެ ދަށަށް ގެނެސް ކުޑަކަމުދާތަކެތި ނަގައި ޓެސްޓްކުރި އިރު މަސްތުވާތަކެތި ބޭނުންކޮށްގެން ހުރިކަމަށް ޕްޒޮޓިވްވެފައިވާ މައްސަލަ އާ ގުޅިގެންނެވެ.