ހުޅުމީދޫއިން މިއަދު ޕޮޒިޓިވްވި މީހުންގެ ތެރޭގައި 11 މަހުގެ ތުއްތު ކުއްޖެއް ހިމެނޭކަމަށް ހުޅުމީދޫ ސިއްހީ މަރުކަޒުގެ މެނޭޖަރ އިބްރާހިމް ދީދީ ވިދާޅުވެއްޖެއެވެ.
މިއަދު ހުޅުމީދޫއިން 6 މީހަކު މި ބައްޔަށް ޕޮޒިޓިވްވެފައިވާއިރު، 11 މަހުގެ ތުއްތު ކުއްޖެއްވެސް ޕޮޒިޓިވްވެފައިވާކަމަށް އިބްރާހިމް ދީދީ ވަނީ ވިދާޅުވެފައެވެ. މިއަދު ޕޮޒިޓިވްވި މީހުންގެ ތެރޭގައި ސްކޫލުގައި ކިޔަވާ 2 ދަރިވަރުންވެސް ހިމެނޭކަމަށް އިބުރޭ ވަނީ ވިދާޅުވެފައެވެ.
ކޮވިޑް-19ގެ އައްޑޫ ސިޓީ މީދޫ އަދި ހުޅުދޫ އަވަށުގައި ނުހަނު ހަލުވިކަމާއެކު ފެތުރެމުން އަންނައިރު، ރައްކާތެރިކަމުގެ ފިޔަވަޅު އަޅުއްވައިގެން ތިއްބަވަން ހުޅުމީދޫ ސިއްހީ މަރުކަޒުން އަންނަނީ އިލްތިމާސްކުރަމުންނެވެ. އަދި ބަލީގެ އެއްވެސް އަލާމާތެއް ހުރިނަމަ، ފްލޫ ކްލިނިކަށް ދެއްކުމަށްވެސް އަންނަނީ އިލްތިމާސް ކުރަމުންނެވެ.