ބޮލީވުޑްގެ މަޝްހޫރު އެކްޓަރު ސޯނޫ ސޫދު ހޮލީވުޑްގެ ފިލްމަކަށް އަޭނާގެ އަަޑު އަޅައި ދޭން ނިންމައިފި އެވެ.
"ދަބަންގް" އާއި "އާރް…ރާޖްކުމާރު" ފަދަ ފިލްމްތަކުގައި ނެގަޓިވް ރޯލްތަކެއް ކުޅެފައިވާ ވަރުގަދަ ހަށިގަނޑުގެ ވެރިޔާ ބުނީ އޭނާ އަޑު އަޅައި ދެނީ ހޮލީވުޑްގެ ފިލްމެއްގައި ހިމެނޭ "ހާކިއުލެސް" ގެ ކެރެކްޓާއަކަށް ކަމަށެވެ.
މިކަމާ ބެހޭ ގޮތުން ސޯނޫ ބުނީ އޭނާ މިހާރު އެ ފިލްމަށް ޑަބް ކުރަން ވޯކަލް ޕްރެކްޓިސްތަކެއް ހަދަމުން އަންނަ ކަމަށެވެ. އަދި ފިލްމްގެ ޑައިރެކްޓަރާއި ޕްރޮޑިއުސަރު ބޭނުންވާ ގޮތަށް ކެރެކްޓާ އަށް އަަޑު އަޅައި ދޭނެ ކަމަށް އޭނާ ބުންޏެވެ.
އަދި އެކަން ވަރަށް ފުރިހަމަ އަށް ކުރެވޭނެ ކަމުގެ ޔަގީންކަން އޮތް ކަމަށް ވެސް ޝާހްރުކް ހާންގެ "ހެޕީ ނިއު އިޔާ" ގައި މިހާރު މަސައްކަތް ކުރަމުން އަންނަ ސޯނޫ ބުންޏެވެ.
މީޑިއާ ރިޕޯޓްތައް ބުނާ ގޮތުން މި ފުރުސަތު ސޫދަށް ލިބުމުގެ ކުރިން، މި އޮފާ ފުރަތަމަ ލިބުނީ އަކްޝޭ ކުމާރަށެވެ.
އެހެން ނަމަވެސް އޭނާ އެކަން ގަބޫލް ނުކުރީ ކަމަށް މީޑިއާތަކުން ބުންޏެވެ.