ހައިކޯޓުގެ ކުރީގެ އިސްފަނޑިޔާރު ޝުޖާއު އުސްމާނާއި ކްރިމިނަލް ކޯޓުގެ ކުރީގެ ފަނޑިޔާރު ހަސަން ނަޖީބު މިދިޔަ ހޮނިހިރު ދުވަހު ނޫސްވެރިންގެ ބައްދަލުވުމުގައި ދެއްކެވި ވާހަކަތަކަށް ވާހަކަތަކަށް ޖުމްހޫރީ ޕާޓީން ވަރަށް ވަރަށް ބޮޑަށް ފާޑުކިޔައި ހޫނު ރައްދެެއް ދީފި އެވެ.
ޖޭޕީއިން މިއަދު ނެރުނު ބަޔާނެއްގައި ބުނެފައިވަނީ އެ ދެ ފަނޑިޔާރުން ދެއްކި ވާހަކަތަކަކީ ދިވެހިރާއްޖޭގެ ޝަރުޢީ ދާއިރާ ހަރުދަނާ ކުރުމަށް ކުރެވޭ މަސައްކަތަށް ހުރަސްއެޅިދާނެ ފަދަ ވާހަކަ ތަކެއް ކަމަށެވެ.
މި ޕާޓީން ދެކޭގޮތުގައި މިއީ، ރައްޔިތުންގެ މެދުގައި ޝަރުޢީ ދާއިރާއަށް އޮންނަ އިތުބާރު ގެއްލުވާލުމަށާއި، ޢަދުލު
އިންޞާފު ޤާއިމުކުރުމަށް ކުރެވޭ މަސައްކަތާއިމެދު ޝައްކު އުފެއްދުމަށާއި، އިންޞާފުވެރިކޮށް ބޭއްވޭ ޝަރީޢަތްތަކަށް
ހުރަސްއެޅުމަށާއި، އަދި ފަނޑިޔާރުންނަށާއި ފަނޑިޔާރުގެއަށް ނުފޫޒު ފޯރުވުމަށް ކުރެވޭ ސިޔާސީ މަސައްކަތެއް ކަމުގައެވެ.
ޖޭޕީގެ ބަޔާނުގައިވެ އެވެ.
މީގެ އިތުރުން ޝަރީޢަތާށާއި ފަނޑިޔާރުންނަށް ނުފޫޒު ފޯރުވުމުގެ ޢަމަލުތައް ހުއްޓުވޭނީ، އެފަދަ ޢަމަލުތައް ހިންގާ ފަރާތްތަކާމެދު ޤާނޫނާއި ގޮތްވާ ގޮތުގެމަތީން ޖިނާއީ ތަޙްޤީޤެއް ހިންގައި، އެފަރާތަކަށް ޙައްޤު އަދަބު ދެވިގެން ކަމުގައި އެ ޕާޓީން ދެކޭ ކަމަށްވެސް އެ ބަޔާނުގައިވެ އެވެ.
މީގެ އިތުރުން އެ ބަޔާނުގައި ބުނެފައިވަނީ ފަނޑިޔާރުންނާއި ވަކީލުންނަކީ އިސްލާމްދީނަށާއި ދިވެހިރާއްޖޭގެ ޤާނޫނުތަކަށް ފުރިހަމައަށް އިޙްތިރާމްކުރާ، ސިޔާސީ ނުފޫޒުން އެއްކިބާވެތިބެ ހައްޤުބަސް ބުނަންޖެހޭ ބަޔަކަށް ވީހިނދު، އެފަދަ ބޭފުޅުން، ވަކި މައްސަލައެއް ހިނގައިދިޔަ ގޮތަކާއިމެދު ޝަރުޢީ ނިޒާމުގެ އަގުވައްޓޭފަދަ، ސުލްޙަވެރި އަމާން މުޖުތަމަޢުއެއް ބިނާކުރުމަށް ކުރެވެމުންދާ
މަސައްކަތްތަކަށް ހުރަސްއެޅިދާނެ، އަދި ދުޅަހެޔޮ ޑިމޮކްރެޓިކް ވެއްޓެއް ބިނާކުރުމަށްޓަކައި ކުރެވެމުންދާ އެންމެހާ ކަންކަމަށް
ހުރަސްއެޅޭފަދަ ވާހަކަތައް ދެއްކުން މި ޕާޓީން ކުށްވެރިކުރަމެވެ.
ސުލީކީ މައްސަލަތަކެއްގައި ފަނޑިޔާރުކަމުން ވަކިކުރަން ނިންމާފައިވަނިކޮށް ފަނޑިޔާރުކަމުން އިސްތިއުފާދިން ޝުޖާއު އުސްމާނާއި ނަޖީބުގެ ވާހަކަތަކަށް އާއްމު ބައެއް މީހުންވެސް ގެންދަނީ ފާޑު ކިޔަމުންނެވެ.