އައްޑޫ ސިޓީ ހުޅުދޫ އަދި މީދޫ އަވަށުގައި ކޮވިޑް-19 ފެތުރެމުންދާ މިންވަރު ބެލުމަށްޓަކައި 7 ސެޕްޓެމްބަރުން ފެށިގެން ކޮންމެ ދުވަހަކު ރެންޑަމް ސާމްޕަލް ނަގަން ނިންމައިފި އެވެ.
ހުޅުމީދޫ ޕަބްލިކް ހެލްތު ޔުނިޓުން ހާމަކޮށްފައިވާ ގޮތުގައި ހުޅުދޫ އަދި މީދޫ އަވަށުގައި މީހުން ދިރިއުޅޭ ހުރިހާ ގެއަކުން ސާމްޕަލް ނެގުމަށް ވަނީ ހަމަޖެހިފައެވެ. ޕަބްލިކް ހެލްތު ޔުނިޓުން ހާމަކޮށްފައިވާ ގޮތުގައި، ކޮވިޑް-19 ފެތުރުން ހުއްޓުވުމަށް މިއީ މުހިންމު މަސައްކަތެއްކަމުން 2 އަވަށުގެވެސް ހުރިހާ ރައްޔިތުންގެ ފަރާތުން މިކަމަށް އެއްބާރުލުން ބޭނުންވެއެވެ.
އައްޑޫ ސިޓީގައި ހަލުވިކަމާއެކު ކޮވިޑް-19 ފެތުރެމުން އަންނައިރު، ހުޅުދޫގައި 10 އެކްޓިވް ކޭސް އަދި މީދޫގައި 32 އެކްޓިވް ކޭސް މިވަގުތު އެބައުޅެއެވެ. އަދި ޖުމްލަކޮށް މުޅި ސިޓީގައި ކޮވިޑުގެ އެކްޓިވް 305 ކޭސް މިވަގުތު އެބައޮތެވެ.