12 އަހަރާއި 17 އަހަރާ ދެމެދުގެ ކުދިންނަށް ފާއިޒާ ވެކްސިންގެ ދެވަނަ ޑޯޒް ޖަހަން ފަށައިފި އެވެ.
އެޑިއުކޭޝަން މިނިސްޓްރީން ހާމަކޮށްފައިވާ ގޮތުގައި އިއްޔެއިން ފެށިގެން ވެކްސިންގެ ދެވަނަ ޑޯޒް އަންނަނީ ޖަހަމުންނެވެ. މީގެއިތުރުން، ދެވަނަ ޑޯޒް ޖެހުމުގައިވެސް ޢަމަލުކުރާނީ ފުރަތަމަ ޑޯޒް ޖެހުމުގައި ޢަމަލުކުރިގޮތަށް ކަމަށް އެ މިނިސްޓްރީން ވިދާޅުވެއެވެ.
ސްކޫލް ދަރިވަރުންނަށް ފާއިޒާ ވެކްސިން ޖަހަން ފަށާފައިވަނީ އޮގަސްޓު މަހުގެ ފަހުކޮޅުގައެވެ. ވެކްސިންގެ 2 ޑޯޒް ދޭތެރޭ 3 ހަފްތާ ހޭދަކުރަންޖެހޭއިރު، ރާއްޖޭގެ ސްކޫލްތަކުގެ ގިނަ ދަރިވަރުން ވަނީ ވެކްސިންގެ ފުރަތަމަ ޑޯޒް ފުރިހަމަކޮށްފައެވެ.
ދަރިވަރުންނަށް ޖަހަމުން އަންނަ ވެކްސިންތަކަކީ ކޮވެކްސް ފެސިލިޓީގެ ދަށުން އެމެރިކާއިން ދިވެހިރާއްޖެއަށް ހަދިޔާކުރި ވެކްސިންގެ ޝިޕްމެންޓެކެވެ.