އައްޑޫ ސިޓީ ހިތަދޫގައި މީހަކަށް ތޫނު އެއްޗަކުން ހަމަލާދީ ޒަހަމްކޮށްލައިފި އެވެ
މިއަދު މެންދުރެއްހާއިރު މި މާރާމާރީ ހިންގާފައިވަނީ ހިތަދޫ ފްލެޓެއްގެ ތެރޭގައި އެވެ. ފުލުހުން މައުލޫމާތު ދިން ގޮތުގައި ތޫނުއެއްޗަކުން ހަމަލާދީ މީހަކު ޒަހަމްކޮށްލި ކަމުގެ މައުލޫމާތު މިއަދު މެންދުރު 12.08 ގައި އެ ފަރާތައް ވަނީ ލިބިފައި އެވެ. އަދި އަނިޔާ ލިބިފައިވަނީ 29 އަހަރުގެ މީހަކަށް ކަމަށާއި އެމީހާއަށް އައްޑޫ އިކްއޮޓޯރިއަލް ހޮސްޕިޓަލްގައި މިހާރު ގެންދަނީ ފަރުވާދެމުން ކަމަށް ފުލުހުން މައުލޫމާތު ދިނެވެ.
ހަމަލާދިން ފްލެޓް ތެރޭގައި ގިނަ އަދަދެއްގެ ލޭ ހުރި ހުރި ފޮޓޯތަކެއް ވަނީ ލިބިފައި އެވެ. އަދި އަނިޔާ ލިބުނު މީހާގެ ބޮލުން ގިނަ އަދަދެއްގެ ލޭ ފައިބާ ފޮޓޯއެއްްވެސް ވަނީ ލިބިފައި އެވެ.
މިއީ މި މާރާމާރީއާ ގުޅިގެން އަދި އެކަކުވެސް ހައްޔަރުކޮށްފައެއްނުވެ އެވެ. އެމީހާ ހަމަލާދިނީ ކީއްވެކަމެއް އަދި ސާފެއްނުވެ އެވެ. އެ މައްސަލަ ފުލުހުން މިހާރު ގެންދަނީ ތަހްގީގު ކުރަމުންނެވެ.