ގާނޫނީ ވަކީލް އަހްމަދު ނާޒިމް އަބްދުއްސައްތާރު ހައިކޯޓުގެ މުވައްޒަފުންނަށް ކުރި މެސެޖެއް ލީކްވި މައްސަލަ އޭނާ ޖުޑީޝަލް އެޑްމިނިސްޓްރޭޝަނަށް ހުށައަޅައިފި އެވެ.
ނާޒިމް އައްޑޫލައިވްއަށް ވިދާޅުވީ ހައިކޯޓުގެ ކުރީގެ އިސް ފަނޑިޔާރު ޝުޖާއު އުސްމާން ލީކްކޮށްލާފައިވަނީ އޭނާ ހައިކޯޓުގެ ރަޖިސްޓްރޭޝަން ސެކްޝަނަށް ހާއްސަކޮށްފައިވާ މުވައްޒަފުންނަށް ކަމަށެވެ. ފަނޑިޔާރުގެއަށް އެންމެ ބޮޑަށް ނުފޫޒުފޯރުވާ އެއް ބޭފުޅަކީ ކުރީގެ ރައީސް މުހައްމަދު ނަޝީދު ކަމަށް ވިދާޅުވެ ޝުޖާއު ކުރި ޓްވީޓެއްގައި ލީކްކުރި މެސެޖްގައިު ނާޒިމް އެދިިފައިވަނީ ވަކި ފަނޑިޔާރުންތަކެއްް އެ މައްސަލަ ބަލާ ބެންޗްގައި ނުހިމެނުމަށެވެ.
ޗީފް ޖުޑިޝަލް އެޑްމިނިސްޓްރޭޓަރު އާއިޝަތު ރިޒްނާއަށް ފޮނުވި ސިޓީގައި ނާޒިމް އެދިފައިވަނީ ހައިކޯޓުގެ މުވައްޒަފުންނަށް ފޮނުވި މެސެޖްލީކްވެފައިވާތީ އެ މައްސަލަ ބަލައިދިނުމަށެވެ.
"އޮގަސްޓް 2021 އާއި ސެޕްޓެމްބަރ 2021 ގައި އަޅުގަނޑުގެ ފޯނުން، ހައި ކޯޓުގެ އިދާރީ މުވައްޒަފުންނަށް ފޮނުވި
މެސެޖުތަކެއް، ހައި ކޯޓުގެ ކުރީގެ އިސް ފަނޑިޔާރު ޓްވިޓާރގައި ލީކް ކޮށްފައިވާތީ، މި މައްސަލަ ބައްލަވާ ދެއްވުން
އެދެމެވެ." ނާޒިމް ވިދާޅުވެފައިވެ އެވެ.
ނާޒިމް މިއަދު އައްޑޫލައިވްއަށް ވިދާޅުވީ ވަކި ފަނޑިޔާރުންތަކަށް ނުފޫޒު ފޯރުވަން މަސައްކަަތް ނުކުރާ ކަމަށާއި ލީކްކޮށްގެން އުޅޭ މެސެޖްގައި ބުނެފައި އެވަނީ އާއިލީ މަސްލަހަތު އޮންނަ ފަނޑިޔާރަކު އެއް މައްސަލަތަކެއް ބަލާތީ އެކަން ތަކުރާރު ނުކުރުމަށް ކަމަށެވެ.
"ދުވަހަކުވެސް ވަކި ފަނޑިޔާރަކަށް ވަކި ގޮތަކަށް އަމަލު ކުރަން ނާންގަން، އަދި ނުފޫޒެއް ނުފޯރުވަން. މެސެޖްކޮށްފައި އެވަނީ ފަނޑިޔާރު ފައިސަަލްއާ އާއިލީ ގޮތުން ގުޅުން އޮންނަ ކުންފުޏަކާ ދެކޮޅަށް ކުރާ ދައުވާއެއްގެ މައްސަލައެއްވާތީ އެ މައްސަލަ އެ ފަނޑިޔާރާ ހަވާލު ނުކުރަން، އޭގެ ކުރިންވެސް އެ ކުންފުނީގެ މައްސަލަތައް އެ ފަނޑިޔާރު ހިމެނޭ ބެންޗަކާ ހަވާލުކުރަމުންދާތީވެ،": ނާޒިމް ވިދާޅުވި އެވެ
.