ސިވިލް ސަރވިސްގެ މުވައްޒަަފުން ކަޅުހެދުމުގައި ނިކުމެ އެމީހުންގެ ހިތްހަމަނުޖެހުން ފާޅުކުރަން ފަށައިފި އެވެ.
ސިވިލް ސާވީސް މުވައްޒަފުންގެ ކަންބޮޑުވުންތަކާއެކު ކުރަމުންދާ ހިމޭން އިހްތިޖާޖުގައި ބައިވެރިވެރިވުމުގެ ގޮތުން ގިނަ އަދަދެއްގެ ސިވިލް ސަރވިސް މުވައްޒަފުން މިއަދު ވަޒީފާއަށް ނިކުތީ ކަޅު ހެދުމުގައި އެވެ.
މައްސަލަ އަކީ ކޮބާ؟
ދިވެހި ސިވިލް ސާވެންޓު އެސޯސިއޭޝަނުން އިސްނަގައިގެން މުޅި ރާއްޖޭގައި ކުރިއަށްގެންދާ އެ ހަރަކާތުގައި އެމީހުންގެ ގޮވާލުންތަކެއްވެސް އެބަ ހުއްޓެވެ.
ސިވިލް ސަރވިސް މުވައްޒަފުންގެ ބައެއް ޑިމާންޑްތަކަކީ:
– އެންމެ ކުޑަ އުޖޫރަ އަސާސީ މުސާރަ ކަމުގައި ކަނޑައަޅާދިނުން
– ލިވިން އެލަވަންސް ލިބޭނެ ގޮތް ހަމަޖައްސާދިނުން
– ފައިސާގެ މަސައްކަތްކުރާނަމަ ތިޖުރީ ބަލަހައްޓާ މުވައްޒަފުން ހިމެނޭ ގޮތައް ރިސްކް އެލަވަންސް ހަމަޖައްސާދިނުން
– ހުރިހާ މަގާތަކަށް ސެޓްފިކެޓް ކުރިއެރުން ލިބޭނެ ގޮތް ހަމަ ޖައްސާދިނުން
– ވަކި ހާއްސަ އޮނިގަނޑުގައި ނުހިމެނޭ ރޭންކްގެ ވަޒީފާތަކުގެ މުސާރަ ބޮޑުކޮށްދިނުން
“މަގޭ ޙައްޤު މަވެސް ބައިވެރިވާނަން” ޝިއާރުގެ ދަށުން ކުރިއަށްގެންދާ އިހްތިޖާޖްގައި މާލޭ އާއި އަތޮޅު ތެރޭގެ ގިނަ އަދަދެއްްގެ މީހުން ވަނީ ބައިވެރިވެފައި އެވެ.