ޗެކް ރިޕަބްލިކްގެ ޕްރާގުން ސ. ގަމަށް ބާއްވާ ފުރަތަމަ ޗާޓަރު ފްލައިޓް މިއަދު މެންދުރަށް އަވަސްވެފައި ވަނިކޮށް އަނެއްކާ ވެސް ކުރިއަށް އޮތް ގަޑިއަށް ލަސްވެއްޖެ އެވެ.
ސްޕްލެންޑިޑް އޭޝިއާ އާއި ގަމުގެ އީކްއޭޓާ ވިލެޖާއި ޔޫރަޕްގެ ޓްރެވަލް އެޖެންސީއެއް ކަމަށްވާ އެގްޒިން ޓްރެވަލްސް ގުޅިގެން ބާއްވާ މި ޗާޓަރު ދަތުރުގެ ފުރަތަމަ ފްލައިޓް ގަމަށް ޖެއްސުމަށް އެންމެ ފުރަތަމަ ހަމަޖެހުނީ މެންދުރު ފަހު3:15 އަށެވެ.
ނަމަވެސް އެ ފްލައިޓް ފަހުން މެންދުރު 1:00 އަވަސްވެފައި ވަނިކޮށް އަނެއްކާ ވެސް ގަމަށް ޖައްސާ ގޮތަށް މިހާރު ހަމަޖެހިފައި ވަނީ އޮތީ ފަހު 3:15 ގަ އެވެ.
އީކްއޭޓާ ވިލެޖްގެ ފްރޮންޓް އޮފީސް މެނޭޖަރު އަބްދުﷲ ޒުހެއިރު ވިދާޅުވީ ޓްރެވަލް ސާވިސް އެއާލައިނެއް ޗާޓަރުކޮށްގެން ގަމަށް ކުރާ ޗާޓަރު ދަތުރުގެ ފުރަތަމަ ފްލައިޓްގައި 70 ޓޫރިސްޓުން އަންނާނެ ކަމަށެވެ.
އޭނާ ވިދާޅުވީ ފުރަތަމަ ފްލައިޓުން އަންނަ ޓޫރިސްޓުންނަށް މަރުހަބާ ކިއުމަށް އައްޑޫ ސިޓީ ކައުންސިލާ ވެސް ގުޅިގެން އެއާޕޯޓްގައި ހާއްސަ ހަރަކާތްތަކެއް ވެސް ކުރިއަށް ގެންދާނެ ކަމަށެވެ.
ޒުހޭރު ވިދާޅުވީ މިއަދު އަންނަ ފްލައިޓުން އަންނަ ޓޫރިސްޓުންގެ ތެރެއިން ގިނަ މީހުން ޗުއްޓީ ހޭދަކުރާނީ އީކްއޭޓާ ވިލެޖްގައި ކަމަށެވެ. އަދި ބާކީ ތިބި މީހުން ދާނީ ހެރަތެރަ އަށް ކަމަށް ވެސް އޭނާ ވިދާޅުވި އެވެ.
ޕްރާގުން ގަމަށް ބާއްވާ ޗާޓަރު ދަތުރުތައް މެއި 8، 2014 އާ ހަމައަށް ކުރިއަށް ގެންދާ ގޮތަށް ވަނީ ހަމަޖެހިފަ އެވެ.