ސިވިލް ސާވެންޓުންގެ މުސާރަތަކަށް ރަނގަޅު ބަދަލެއް ގެނެސްދިނުމަށް ގޮވާލައި ރައްޔިތުންގެ މަޖިލީހަށް ކުއްލި މައްސަލައެއް ހުށަހަޅުއްވައިފިއެވެ.
މިމައްސަލަ މަޖިލީހަށް ހުށަހެޅުއްވީ ރައްޔިތުންގެ މަޖިލީހުގެ ބިލެއްދޫ ދައިރާގެ މެމްބަރު އަހުމަދު ހަލީމްއެވެ.
މި މައްސަލާގައި ބުނެފައިވާ ގޮތުން ސިވިލް ސަރވިސް މުވައްޒަފުންނަށް ލިބެމުންދާ އުޖޫރައަކީ އެ މުވައްޒަފުން ދެއްވަމުންގެންދާ ހިދުމަތާއި އަޅާބަލާއިރު އެކަށީގެންވާ އުޖޫރައެއް ނޫނެވެ. އަދި ސިވިސް ސަރވިސްގެ މުވައްޒަފުންނަށް ލިބެމުންދާ އުޖޫރަ ރަނގަޅު ކުރުމަށްޓަކައި ސަރުކާރުގެ މުވައްޒަފުންގެ މުސާރައިގެ އޮނިގަނޑު ލަސްނުކޮށް ނިންމުމަށް ވަނީ ގޮވާލާފައެވެ.
މިކަމާ ގުޅިގެން އިތުރަށް ވާހަކަދައްކަވަމުން ހޯރަފުށީ ދާއިރާގެ މެމްބަރު އަހްމަދު ސަލީމް ވިދާޅުވީ، މިނިމަމް ވޭޖް ކަނޑައެޅުމަށް ސަރުކާރުން މަސައްކަތް ކުރަމުން އަންނަ ކަމަށާއި، މިއަހަރުގެ ތެރޭގައި އެކަމަށް ހައްލެއް ލިބިގެންދާނެ ކަމަށެވެ.
ސިވިލް ސާވެންޓުންގެ މުސާރައިގެ މައްސަލައިގައި ސިވިލް ސާވެންޓުން އަންނަނީ ހިމޭން އިހުތިޖާޖެއް ކުރަމުންނެވެ.