މިނިމަމް ވޭޖް އަންނަ ބުދަ ދުވަހުގައި ބާއްވާ މިނިމަމް ވޭޖް ބޯޑް ބައްދަލުވުމުގައި ކަނޑައަޅާނެކަމަށް އެ ބޯޑުން ބުނެފިއެވެ.
ވޭޖް ބޯޑުގެ މެމްބަރު މައުރޫފް ޒާހިރު ވިދާޅުވީ، މިނިމަމް ވޭޖް ކަނޑައެޅުމަށްފަހު އިކޮނޮމިކް މިނިސްޓްރީއާ އެކަން ހިއްސާކުރާނެކަމަށެވެ. އަދި އެކަން މި ބުދަދުވަހުގައި ކުރެވޭނެކަމަށްވެސް އޭނާ ވަނީ ވިދާޅުވެފައެވެ.
ސަރުކާރުން މިނިމަމް ވޭޖްގެ ގޮތުގައި ކަނޑައަޅާފައި އޮތް ލިމިޓަކީ 6،700ރ. އާއި 8،900ރ. އާ ދެމެދުގެ އަދަދެކެވެ. އަދި މިނިމަމް ވޭޖް ކަނޑައަޅަނީ މައިގަނޑު ތިން ކެޓަގަރީއަކަށް ބަހާލައިގެންނެވެ.
ބޯޑުން ދޭ ލަފާގެ މަތިން މިނިމަމް ވޭޖް ކަނޑައެޅުމުގެ ބާރު އޮތީ އިކޮނޮމިކް މިނިސްޓަރަށެވެ.