އެމްޑީޕީގެ ރިޔާސީ ޓިކެޓްގައި ރައީސް އިބްރާހިމް މުހައްމަދު ސޯލިހަށް ދޭން އެމްޑީޕީން ފާސްކުރުމަކީ ބަޢާވާތެއް ގޮތުގައި ކުރީގެ ޓުއަރިޒަމް މިނިސްޓަރު އަލީ ވަހީދު ވިދާޅުވެއްޖެ އެވެ.
އިނގިރޭސިވިލާތުގައި ހުންނަވައިގެން މިރޭ ބޭއްވި ނޫސްވެރިންގެ ބައްދަލުވުމުގައި އަލީ ވަހީދު ސަަރުކާރަށާއި އެމްޑީޕީގެ ބައެއް މީހުނަށް ވަރަށް ބޮޑަށް ފާޑު ވިދާޅުވި އެވެ. އޭނާ ވިދާޅުވީ އުކުޅަހުގައި ހިންގީ ބަޢާވާތެއް ކަމަށެވެ. އަދި ރައީސް މުހައްމަދު ނަޝީދާމެދު އަމަލު ކުރީ ގޯސްކޮން ކަމަށް ފާހަގަކޮށް ވިދާޅުވީ އަމިއްލަ ޕާޓީ ރައީސް މަރާލަން އުޅުން ލަދުވެތިވާން ޖެހޭނެ ކަމަށެވެ.
"އުކުޅަހު ބައާވާތުން ފެށިގެން ވަކި ބަޔަކު ގައުމު ދަވާލަން ދީގެން ނުވާނެ." ކަމަށްވެސް އަލީ ވަހީދު ތަކުރާރުކޮށް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހަށް ފާޑު ވިދާޅުވަމުން އަލީ ވަހީދު ވިދާޅުވީ ރައީސް ސޯލިހް އޭނާއަށް ހެޔޮ އެދޭ ކަމަށް ޓީވީ ޕްރޮގުރާމެއްގައި ވިދާޅުވީ މީހަކު ބުނެގެން ނޫން ކަމަށެވެ.
"އެގޮތައް ހެޔޮ ނޭދުނިއްޔާ ރަނގަޅީ. ހެޔޮ އެދުނީމަ ވާގޮތް އެބަ އިނގޭ،" އަލީ ވަހީދު ވިދާޅުވި އެވެ.
އަލީ ވަހީދު ވަނީ ބަންޑާރަ ނައިބު އިބްރާހިމް ރިއްްފަތާއި ގާނޫނީ ވަކީލު ހިސާން ހުސެއިންނަށްވެސް ފާޑު ވިދާޅުވެފައި އެވެ.
" އެމްޑީޕީގެ އޮފީހުގައި އުޅޭނެ ބަންގްލަދޭޝް މީހެއް، އޭނާ އެކަނި މަދީ ޖޭއެސްސީއަށް،" އަލީ ވަހީދު ވިދާޅުވި އެވެ.