މޯލްޑިވްސް ނޭޝަނަލް ޕާޓީ(އެމްއެންޕީ)ގެ ހިންގުމުގެ އޮނިގަނޑު ރާވާފައިވަނީ ހަ ނައިބު ރައީސުލް އިންތިހާބުކުރާ ގޮތައް ކަމަށާއި އޭގެ ތެރެއިން އެއް ނައިބު ރައީސްގެ މަގާމަށް ހަމަ އެކަނި އަންހެނުނަށް ކުރިމަތިލެވޭނެ ގޮތައް އޮންނާނެ ކަމަށް އެ ޕާޓީން ބުނެފި އެވެ.
ރަޖިސްޓްރީކުރަން މިހާރު އިލެކްޝަނަށް ހުށައަޅާފައިވާ އެމްއެންޕީން މިއަދު ބޭއްވި ނޫސްވެރިންގެ ބައްދަލުވުގައި ޕާޓީގެ މުހިންމު މަގާމުތަކާއި މުހިންމު ގުނަވަންތަކުގެ މައުލޫމާތު ވަނީ ހިއްސާކުރައްވާފައި އެވެ. މި ބައްދަލުވުމުގައި ވާހަކަ ދައްކަވަމުން އެ ޕާޓީ ހިންގުމުގައި އިސްކޮށް ހަރަކާތްތެރިވާ އަބްދުﷲ ސިނާން ވިދާޅުވީ އެމްއެންޕީގެ ރައީސްގެ މަގާމަށް އެއް ބޭފުޅަކު އަދި ނައިބު ރައީސްގެ މަގާމަށް ހަ މެމްބަރުންގެ އިތުރުން އެޑްވަޒަރީ ކައުންސިލަކާއި އެކްޒެކެޓިވް ކައުންސިލެއް އޮންނާނެ ކަމަށެވެ.
އެމްއެންޕީގެ އިސް މަގާމުތަކާއި ގުނަންތައް:
- ނޭޝަލް ކޮންގްރެސް
- ނޭޝަލް އެގްޒެކެޓިވް ކައުންސިލް
- އެޑްވައިޒަރީ ކައުންސިލް
- ރައީސް
- ހަ ނައިބު ރައީސް
- ވިމެންސް ލީޑަރ
- ޔޫތް ލީޑަރ
- އަންހެނުންގެ ވިންގ
- ޔޫތްވިންގ
ނައިބު ރައީސުން އިންތިހާބުކުރާނީ ރާއްޖޭ ފަސް ސަރަހައްދަކަށް ބަހާލައިގެން ކޮންމެ ސަރަހައްދަކުން ނައިބު ރައީސަކު އިންތިހާބުކުރާ ގޮތަށެވެ. އަދި އެހެން ނަމަވެސް އަންހެނުނަށް ހާއްސަަކުރާ ނައިބު ރައީސްގެ މަގާމަށް ހުރިހާ ދާއިރާކުން ވެސް މެމްބަރުންނަށް ވޯޓު ލެވޭނެ އެވެ.
ނައިބު ރައީސްގެ ދެން އޮތް ފަސް މަގާމަށްވެސް ފިރިހެންނާ އަންހެނުނަށްވެސް ވާދަ ކުރެވޭނެ ކަމަށް ޝިނާން ވިދާޅުވި އެވެ. ޕާޓީގެ ޒުވާނުންގެ ލީޑަރު އިންތިހާބުކުރާނީ ޕާޓީގެ ޒުވާނުންގެ ވިންގުން ކަމަށާއި އަންހެނުންގެ ލީޑަރު އިންތިހާބުކުރާނީ އަންހެނުންގެ ވިންގުން ކަމަށް ޝިނާން ވިދާޅުވި އެވެ.
އެމްއެންޕީގެ ފަސް ނައިބު ނައިބު ރައީސުން އިންތިހާބުކުރަން ސަރަހައްދުތައް ބަހާލާގޮތް:
- އުތުރު (ނ، ރ، ބ، ޅ)
- މެދު ދެކުނު (މ، ފ، ދ، ތ، ލ)
-
އެޑްވައިޒަރީ ކައުންސިލް ކަނޑައަޅާނީ ކިހިނެތް؟
ޕާޓީގެ ސިޔާސަތުތައް ކަނޑައެޅުމުގައި ބޭނުންވާ ލަފަޔާ މަޝްވަރާ ހޯދުމަށް ޕާޓީގެ އެޑްވައިޒަރީ ކައުންސިލް އޮންނާނެ އެވެ. ޝިނާން ވިދާޅުވީ އެ ކައުންސިލަށް މެމްބަރުން ކަނޑައަޅާނީ ޕާޓީގެ ރައީސެވެ. ނަމަވެސް އެ ކައުންސިލަށް މެމްބަރުން އައްޔަންކުރެވޭނީ ޕާޓީގެ ކައުންސިލަށް ހުށައަޅައިގެން އެ ނަމެއް ފާސްވުމުންނެވެ.
އެޑްވައިޒަރީ ބޯޑަކަށް އެއްްވެސް ކަމެއް ފާސްކުރުމަށް ވޯޓެއްގައި ބައިވެރިއެއްނުވެވޭނެ އެވެ. އެއީ ހަމަ އެކަނި ޕާޓީގެ ސިޔާސަތުތައް ކަނޑައެޅުމުގައި އެހީތެރިވެދޭ މެމްބަރުންނެވެ.
"އެގޮތައް މި ކަނޑައެޅި ސަބަބަކީވެސް ޕާޓީގެ ރައީސަށް މުތްލަގައް އެ ހުރިހާ ބާރުތަކެއް ދިނުމުގެ ބަދަލުގައި އެ ބޭފުޅަކު އެންޑޯޒް ކުރެއްވީމާ އެ ހިސާބުން ނޭޝަނަލް އެގްޒެކެޓިވް ކައުންސިލުން ވަކި ގޮތަކަށް ކަނޑައެޅުން. ޑިމޮކްރަޓިކް ވެލިއުސްތައް ވީ އެންމެ ފުޅާދާއިރާއެއްްގައި ގާއިމު ކުރެވޭތީ އަޅުގަނޑުމެން ވާނީ ޕާޓީގެ ސްޓެކްޗަރ ހެދުމުގައި ވަރަށް ބޮޑަށް ވިސްނުން ގެންގުޅެފައި،" ޝިނާން ވިދާޅުވި އެވެ.
ޕާޓީގެ ސްޕޯކްސް ޕަރސަން އަސްރާ އަހްމަދު ވިދާޅުވީ އެ ޕާޓީ އުފެއްދުމުގެ މަސައްކަތްކުރަން ހުއްދަދިން ތާ ދެ މަސްދުވަސް ތެރޭގައި 5300 މެމްބަރުންގެ ސޮޔާއެކު ޕާޓީ ރަސްޖިސްޓްރީ ކުރަން ވަނީ ހުށައަޅާފަ އެވެ. އެ ޕާޓީ ރަޖިސްޓްރީކުރަން ހުއްްދަދޭތާ ދެ ހަފްތާގެ ތެރޭގައި ޕާޓީގެ ފުރަތަމަ ޖަލްސާ ބާއްވާނެ ކަމަށް ވިދާޅުވި އެވެ. އަދި ވަރަށް ޕާޓީ ރަޖިސްޓްރީ ވުމާއެކު މަގާމުތަކަށް ކުރިމަތިލާން ހުޅުވާލާނެ ކަމަށްވެސް އެ ޕާޓީން މިއަދު ވަނީ ބުނެފައި އެވެ.
މަތި އުތުރު (ހއ، ހދ، ށ، )
މެދު (ކ، އއ، އދ، ވ)
.ދެކުނު (ގދ، ގދ، ޏ، ސ)