ރަޝިއާގެ މޮސްކޯ އިން ސ. ގަމަށް ޝެޑިއުލް ދަތުރުތަކެއް ޓޫރިސްޓުންނަށް ހާއްސަކޮށްގެން ބާއްވަން މަސައްކަތް ކުރަމުން އަންނަ ކަމަށް ސްޕްލެންޑިޑް އޭޝިއާ އިން ބުނެފި އެވެ.
އައްޑޫގެ މަޝްހޫރު ވިޔަފާރިވެރިއެއް ކަމަށްވާ ހެޕީ މާކެޓް މުހައްމަދު ނައީމްގެ ސްޕްލެންޑިޑްގެ މެނެޖިން ޑިރެކްޓަރު އަބުދުﷲ ނަސީރު ވިދާޅުވީ މޮސްކޯ އިން ގަމަށް ޝެޑިއުލް ފްލައިޓްތައް ބާއްވަން މަސައްކަތް ކުރަމުން އަންނަނީ އަންނަ މާޗް މަހުގެ 2 ވަނަ ދުވަހުން ފެށިގެން ކަމަށެވެ.
އެގޮތުން ފްލައިޓްތައް ބާއްވާނީ ކޮންމެ އާދީއްތަ ދުވަހެއްގައި ކަމަށް އޭނާ ވިދާޅުވި އެވެ.
ނަސީރު ވިދާޅުވީ އެ ދަތުރުތައް ކުރާނީ ރަޝިއާގެ ޓްރާންސް އެއިރޯ ޓުއާސް އާއި ސްޕްލެންޑިޑް އޭޝިއާ ގުޅިގެން ޓްރާންސް އެއިރޯ އެއާލާނެއްގައި ކަމަށެވެ.
އަދި މި ދަތުރުތައް ފެށުމާ ގުޅޭ ގޮތުން ވަރަށް ބޮޑަަށް ދެ ފަރާތުގެ މެދުގައި ވާހަކަތައް ދެކެވެމުން އަންނަ ކަމަށް ނަސީރު ވިދާޅުވި އެވެ.
ސްޕްލެންޑިޑް އޭޝިއާ އިން މިދިޔަ ހޯމަ ދުވަހު ވަނީ ޗެކްރިޕަބްލިކްގެ ޕްރާގުން ގަމަށް ޗާޓަރު ދަތުރުތަކެއް ވެސް ފަށައިފަ އެވެ.