އަނިލް ކަޕޫރުގެ ވަރަށް ކާމިޔާބް ފިލްމެއް ކަމަށްވާ "ނަޔަކް" ގެ ސީކްއެލްއެއް ބެލުންތެރިންނަށް ގެނެސް ދޭން ނިންމައިފި އެވެ.
ސިޔާސީ ކޯޅުންތަކެއް ދައްކުވައި ދިން އަދި އޭރްއާރް ރަހުމާންގެ ހިތްގައިމު މިއުޒިކް ހިމެނޭ "ނަޔަކް" އަކީ 2001 ގައި ރިލީޒްވި ފިލްމެކެވެ.
އެސް. ޝަންކަރު ލިޔެ ޑައިރެކްޓް ކުރި މި ފިލްމުގައި ލީޑް ރޯލް ކުޅެފައި ވަނީ އަނިލް އާއި ރާނީ މުކަރުޖީ އެވެ.
މީޑިއާ ރިޕޯޓްތައް ބުނާ ގޮތުން މި ފިލްމްގެ ދެވަނަ ބައެއް ހެދުމަށް ވާން ޖެހޭ އެންމެ ފަހުގެ ތައްޔާރީތައް މިހާރު އަންނަނީ ވަމުންނެވެ. އެގޮތުން ފިލްމުގެ ސްކްރިޕްޓް ނިންމުމުގެ މަސައްކަތް ވަރަށް ބާރަށް އަންނަނީ ކުރެވެމުންނެވެ.
ސީކްއެލް ވެސް ބިނާ ވާނީ ހަމަ ކުރީ ފިލްމާ އެއްގޮތަށް ސީޔާސީ ކަންތައްތަކެއް ދައްކުވައިދޭ ފިލްމަކަށެވެ.
"ނަޔަކް" ގެ ސީކްއެލްގެ މަސައްކަތް މި އަހަރުގެ މެދު ތެެރޭގައި ފަށަން ޕްލޭންކޮށްފައިވާ އިރު، ފިލްމުގެ ބަތަލާއަކީ އަދި ކާކު ކަމެއް ނޭނގެ އެވެ.
އަނިލް މި ވަގުތު އުޅެނީ އޭނާ ޕްރޮޑިއުސްކޮށް، އެކްޓް ވެސް ކުރާ ފުރަތަމަ ޓީވީ ޝޯ "24" އާއި އަނީސް ބަޒްމީގެ "ވެލްކަމް ބެކް" ގެ މަސައްކަތުގައި ވަރަށް ބިޒީކޮށެވެ.