"ފިއުޗަރ އޮފް އައްޑޫ ޓުއަރިޒަމް"ގެ ނަމުގައި މިރޭ ޕެނަލް ޑިސްކަޝަނެއް އައްޑޫ ސިޓީ ކައުންސިލުން ބާއްވަން ނިންމައިފިއެވެ.
އައްޑޫ ސިޓީ ކައުންސިލުން ބުނީ މި ޕެނަލް ޑިސްކަޝަން ކުރިއަށް ގެންދާނީ ކްލަބްހައުސް މެދުވެރިކޮށެވެ.
މި ޕެނަލް ޑިސްކަޝަންގައި އައްޑޫ ސިޓީގެ މޭޔަރު އަލީ ނިޒާރު ވާހަކަދެއްކުމަށް ހަމަޖެހިފައިވާއިރު، އައްޑޫ އިންޓަރނޭޝަނަލް އެއަރޕޯޓުގެ އެމް.ޑީ ގައިސް ނަސީރުވެސް ވަނީ ވާހަކަދައްކަން ހަމަޖެހިފައެވެ. މީގެ އިތުރުން ކައުންސިލަރު ޒަރީރުގެ އިތުރުން ޓުއަރިޒަމް ދާއިރާގައި މަސައްކަތްކުރާ އިސްވެރިން ވެސް މި ޕެނަލް ޑިސްކަޝަންގައި ބައިވެރިވާނެއެވެ.
އައްޑޫ ސިޓީ ކައުންސިލުން މިފަދަ ޕެނަލް ޑިސްކަޝަނެއް ބާއްވާއިރު، ވިލިނގިލީގައި ހިންގި ޝަންގްރިއްލާ ރިސޯޓާއި، ހެރެތެރޭގައި ހިންގި ކެނެރީފް ރިސޯޓު އޮތީ ބަންދުކޮށްފައެވެ. އަދި މިކަމުގެ ސަބަބުން އައްޑޫގެ އެތައް ސަތޭކަ ރައްޔިތުންގެ ވަޒީފާވަނީ ގެއްލިފައެވެ.