އައްޑޫ ސިޓީ ހުޅުމީދޫއިން ކޮވިޑް-19ގެ އިތުރު ދެ ކޭސް ފެނިއްޖެއެވެ.
މައުލޫމާތު ލިބިފައިވާ ގޮތުގައި މި ދެ ކޭސް ވެސް ފެނިފައިވަނީ މީދޫ އަވަށުންނެވެ.
އައްޑޫލައިވަށް މައުލޫމާތު ދެއްވަމުން ހުޅުމީދޫ ސިއްހީ މަރުކަޒުގެ މެނޭޖަރު އިބްރާހިމް ދީދީ (އިބުރޭ) ވިދާޅުވީ، މިއަދު ދެ ކޭސް ފެނިފައިވާ ކަމަށާއި، ކޮމިއުނިޓީ ސްޕްރެޑެއް އޮވެދާނެ ކަމަށް ބެލެވޭ ކަމަށެވެ.
މި ދެ ކޭސްގެ ތެރެއިން އެއް ކޭސްއަކީ މީދޫ އަވަށުން މާލެއަށް ދަތުރުކުރުމަށް ޕީސީއާރު ހެއްދި މީހެއް ކަމަށާއި އަނެއް ކޭހަކީ ހޯމް ކަރަންޓީނާ ގުޅުންހުރި މީހެއްކަން އިބުރޭ ވަނީ ފާހަގަކުރައްވާފައެވެ.
ހުޅުމީދޫއިން ކޮވިޑް-19ގެ ކޭސްއެއް ނުފެންނަތާ އެތައް ދުވަހެއް ވަނީ ވެފައެވެ. އަދި ހުޅުދޫ އަދި މީދޫ އަވަށުގައި އެކްޓިވް އެންމެ ކޭހެއްވެސް ނެތި ގިނަ ދުވަސްތަކެއް ވަނީ ވެފައެވެ.