ކުރީގެ ރައީސް އަދި މިހާރު ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ނުރަސްމީ ޓުވީޓަރ އެކައުންޓްކަމަށް ބެލެވޭ އެކައުންޓްގެ ނަން އެމްއެން އަންއޮފިޝަލްއަށް ބަދަލުކޮށްފި އެވެ.
އެލެކްސް އަހްމަދުގެ ނަމުގައި ހިންގަމުންއައި އެ އެކައުންޓުން ކުރަމުން އަންނަ ޓުވީޓްތަކުން އެއީ ރައީސް ނަޝީދު ކަމަށް ތުހްމަތުކުރަމުންދަނިކޮށް އެ ޓުވިޓާ އެކައުންޓުން ވަނީ އެއީ ރައީސް ނަޝީދުކަމަށްވެސް މީގެ ކުރިން ބުނެފައި އެވެ.
Dhen kithah faharu bunefin mee Alhugadu Kenereygey Nasheed ey. Alex akee Alugadu genurasmee account.
— MN unofficial (@anedhivehirajje) August 14, 2020
އެ އެކައުންޓުގެ ނަން ބަދަލުކުރުމަށްފަހު ބުނެފައިވަނީ އެ ނަން ބަދަލުކުރީ މާ ބޮޑަށް އޮޅުން އަރާތީ ކަމަށެވެ.
Maa bodah olhun araa kamaun mi tweeter account ge nan badhal kohfin. Mihaaru Alex Ahamed eh noon, MN Unofficial
— MN unofficial (@anedhivehirajje) October 5, 2021
އެމްއެން އަން އޮފިޝަލް އަކީ މުހައްމަދު ނަޝީދު އަން އޮފިޝަލް ކަމަށް ބެލެވެއެވެ. ރައީސް ނަޝީދު ރަސްމީ ޓުވިޓާ އެކައުންޓެއްްވެސް ބޭނުންކުރެ އެވެ. އެހެން ނަމަވެސް ނުރަސްމީ އެކައުންޓުންވެސް ސިޔާސީ ކަންކަމާށާއި ބައެއް މައްސަލަތަކަށް ރައްދު ދެއްވާ ޓުވީޓް ކުރައްވަ އެވެ. ރައީސް ނަޝީދުގެ ރަސްމީ ޓުވިޓަރ އެކައުންޓް 247000 މީހުނަށް ވުރެ ގިނަ މީހުން ފޮލޯކުރެ އެވެ. އަދި ނުރަސްމީ އެކައުންޓް 27،000 އަށްވުރެ ގިނަ މީހުން ފޮލޯކުރެ އެވެ.