އދ.ގެ އާންމު މަޖިލީހުގެ ރައީސްކަމަށް ދިވެހިރާއްޖޭގެ ފޮރިން މިނިސްޓަރު އިންތިހާބުވެ ހޯއްދަވާ ދެއްވި ޝަރަފަށް، ރައްޔިތުންގެ މަޖިލީހުގެ ރައީސް މުހައްމަދު ނަޝީދު މަރުހަބާ ވިދާޅުވެއްޖެއެވެ.
ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިހެން ވިދާޅުވެފައިވަނީ ފޭސްބުކު ޕޯސްޓެއްގައެވެ.
އެ ޕޯސްޓުގައި ރައީސް ނަޝީދު ވަނީ މިނިސްޓަރު ޝާހިދު ދިވެހިރާއްޖެއަށް ހޯއްދަވާ ދެއްވި ޝަރަފަށް ޓަކައި ޝާހިދަށް ދައުލަތުގެ އިއްޒަތް ހައްގު ވާކަމަށް ވިދާޅުވެފައެވެ. އަދި އެކަމަށްޓަކައި މިނިސްޓަރު ޝާހިދަށް ރައީސް ނަޝީދު ވަނީ މަރުހަބާވެސް ދަންނަވާފައެވެ.
އދ.ގެ އާންމު މަޖިލީހުގެ ރައީސްކަމަށް ދިވެހިރާއްޖޭގެ ފޮރިން މިނިސްޓަރު ޢަބްދުﷲ ޝާހިދު އިންތިހާބު ވެވަޑައިގެން ރާއްޖެއަށް ކުރެއްވި ރަސްމީ ދަތުރުފުޅުގައި އެމަނިކުފާނަށް ވަނީ ނިޝާން ޢިއްޒުއްދީނުގެ ޢިއްޒަތުގެ ވެރިކަން އަރުވާފައެވެ. އަދި ޝާހިދު ހޯއްދެވި ފަޚުރަށް ޓަކައި ރައީސް ސާލިހުވެސް ވަނީ މަރުހަބާ ވިދާޅުވެފައެވެ.