ސ. ފޭދޫ ހުންނަ "އީޒީ ވޭ" ފިހާރައިގެ އާ އައުޓް ލެޓެއް "އީޒީ އެކްސް" ގެ ނަމުގައި ހުޅުވަން ތައްޔާރުވެއްޖެ އެވެ.
ފޭދޫ ބޮޑު މަގުގައި ހުޅުވާ މި ފިހާރަ، ހުޅުވަން ވާން ޖެހޭ އެންމެ ފަހުގެ ތައްޔާރީތައް މިހާރު އަންނަނީ ވަމުންނެވެ.
އެގޮތުން ކުރިއަށް އޮތް ހަތަރު ފަސް ވަރަކަށް ދުވަހުގެ ތެރޭގައި ފިހާރަ އާންމުންނަށް ހުޅުވައިލާނެ ކަމަށް "އީޒީ އެކްސް" ގެ މެނޭޖްމަންޓުން ބުންޏެވެ.
އެ ފިހާރައިން ވާހަކަ ދެއްކި އިއްޒަތު އިބްރާހީމް ބުނީ "އީޒީ އެކްސް" ވެގެން ދާނީ އާންމު ދިރިއުޅުމަށް ބޭނުންވާ ގިނަ އަދަދެއްގެ ސާމާނު އަތްފޯރާ ފަށެއްގައި ކަސްޓަމަރުންނަށް ފަސޭހައިން ލިބޭނެ ތަނަކަށް ކަމަށެވެ.
އަދި މުދާ ހުސް ނުވެ، އަބަދުވެސް ލިބެން ހުންނާނެ ތަނަކަށް "އީޒީ އެކްސް" ވާނެ ކަމަށް ވެސް އޭނާ ބުންޏެވެ.
އެ ފިހާރައިން މައިގަނޑު ގޮތެއްގައި ލިބެން ހުންނާނީ އާންމު ދިރިއުޅުމަށް ދުވަހުން ދުވަހަށް ބޭނުންވާ ބާވަތްތަކުގެ މުދަލެވެ.
އޭގެ ތެރޭގައި ކެއުންބުއިމުގެ ބާވަތްތަކާއި ގޭތެރޭގެ އެކިއެކި ކަންކަމަށް ބޭނުން ކުރާ ތަކެއްޗާއި ކޮސްމެޓިކްސް ފަދަ ބާވަތްތައް ހިމެނެ އެވެ.
އިއްޒަތު ބުނީ "އީޒީ ވޭ" އިން ވަރަށް ފުޅާކޮށް، ޑެލިވަރީގެ ހިދުމަތް ދިން ނަމަވެސް އަލަށް ހުޅުވާ "އީޒީ އެކްސް" އިން އެ ހިދުމަތް ނުދޭނެ ކަމަށެވެ.
އެހެންވެ ފިހާރަ އަށް އާންމުން ޒިޔާރަތްކޮށް ވިޔަފާރި ކުރުމަކީ އެންމެ ރަނގަޅު ގޮތް ކަމަށް ވެސް އޭނާ ބުންޏެވެ.
"އީޒީ އެކްސް" ހުންނަނީ ގާމެންޓްސް ވިއްކަން ފޭދޫ ބޮޑު މަގުގައި ދާދި ފަހުން ހުޅުވި "ކޭ ގްލެމާ" ފިހާރަ ހުރި ހިސާބުގަނޑުގަ އެވެ.