ރާއްޖޭގައި ވީއައިީޕީ ފެންވަރުގައި ސެކިއުޓީ ދޭން ޖެހޭ ބޭފުޅުނަށް ދެމުންދާ ސެކިއުރިޓީ ހިދުމަތް ވިލަރެސް ކުރުމުގައި ފަންނީ އެހީތެރިކަން ފޯރުކޮށްދެއްވުމަށް އެމެރިކާގެ ވީ.އައި.ޕީ ސެކިއުރިޓީ ކޮންސަލްޓަންޓެއް ރާއްޖެ ވަޑައިގެންފި އެވެ.
އެމެރިކާގެ ވީ.އައި.ޕީ ސެކިއުރިޓީ ކޮންސަލްޓަންޓް ޝީމަސް މިއުލަރ ރާއްޖެ ވަޑައިގެން ޑިފެންސް މިނިސްޓަރ މާރިޔާ އަހްމަދު ދީދީ އާ މިއަދު ވަނީ ބައްދަލު ކުރައްވާފަ އެވެ.
އެމެރިކާގެ ވީ.އައި.ޕީ ސެކިއުރިޓީ ކޮންސަލްޓަންޓް ޝީމަސް މިއުލަރ އާ މިނިސްޓަރ @MariyaDidi ބައްދަލުކުރައްވައިފި. މިއުލަރ މާލެ ވަޑައިގެން އުޅުއްވަނީ ވީ.އައި.ޕީންނަށް ދޭ ސެކިއުރިޓީ ޚިދުމަތްތައް ވިލަރެސް ކުރުމުގައި ފަންނީ އެހީތެރިކަން ފޯރުކޮށްދެއްވުމަށް. pic.twitter.com/QzND3wwfYB
— Ministry of Defence (@MoDmv) October 12, 2021
ރާއްޖޭގައި ދައުލަތުގެ އިސްވެރިންނާއި ބޭރުގެ އިއްޒަތްތެރިންނަށް ވީއައިޕީ ސެކިއުރިޓީ ދެމުންދަނީ އެމްއެންޑީއެފްގެ ސްޕެޝަލް ޕްރޮޓެކްޝަން ގްރޫޕް (އެސްޕީޖީ) އިންނެވެ.
ރާއްޖޭގައި ދައުލަތުގެ އިސްވެރިންނަށް ނުރައްކާތެރި ހަމަލާތަކެއް އައިސްދާނެ ކަމުގެ އިންޒާރުތައް ފަހަކަށް އައިސް ލިބެމުންދެ އެވެ. އަދި މިދިޔަ މެއި މަހު ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ދިން ޓެރަރިސްޓް ހަމަލާއަށްފަހު ރާއްޖޭގެ ސެކިއުރިޓީއާމެދު ބައެއް މީހުން ސުވާލު އުފައްދާވަރު ވަނީ އިތުރުވެފަ އެވެ.