މަދިރި މަރަން ބޭނުން ކުރާ ޝެލްޓެކްސް "ވަސް ޖެހިގެން" ސ. ފޭދޫގައި މިއަދު މީހަކު މަރުވެއްޖެ އެވެ.
ފޭދޫ މުލައްޑޫ ގަރާޖް )ނާޒިލް ގަރާޖް( ޕިކަޕެއްގެ ފްރޮޅަކަށް ޝެލްޓެކްސް ޖަހަމުން ދަނިކޮށް، އޭގެ އަސަރުކޮށްގެން ނޭވާލާން އުނދަގޫވެގެން މަރުވީ އަބްދުއް ސައްތާރު އަހުމަދު، 50، އެވެ.
އޭނާއަކީ ފޭދޫ ރަތްވިލާ ގޭގެ މީހަކާ އިނދެެގެން އުޅޭ ހއ. ހޯރަފުށީ ހިތަށްފިނިވާގޭ މީހެކެވެ. އަދި ދެ ކުދިން ވެސް ތިބެ އެވެ.
ސައްތާރަށް ނޭވާލާން އުނދަގޫވާން ފެށުމާ އެކު ގަރާޖުގައި ހުރި އެހެން މީހަކު ވަނީ ފޭދޫ ސިއްހީ މަރުކަޒަށް އޭނާ ގެންގޮސްފަ އެވެ.
އެތަނުގެ އޮފިޝަލަކު ވިދާޅުވީ ސައްތާރު ގެނައި އިރު ވެސް ނޭވާލާން ވަރަށް ބޮަަޑަށް އުނދަގޫވެފައި ހުރި ކަމަށެވެ. އަދި ވަގުތުން ޑޮކްޓަރު އޭނާ ބަލައި ސީޕީއާރް ހެދި ކަމަށް ވެސް އޮފިޝަލް ވިދާޅުވި އެވެ.
"ސީޕީއާރް ހެދި އިރު އޭނާ ނޭވާލި، އެކަމަކު އޭގެ އިރުކޮޅެއް ފަހުން އެއްކޮށް ނޭވާ ހުއްޓުނީ. އެހެންވެ ނޭވާލާ ނިޒާމް ހުއްޓިގެން މަރުވީ ކަމަށް ބެލެވެނީ." އޮފިޝަލް ވިދާޅުވި އެވެ.
ސައްތާރުގެ ހަށިގަނޑުން ސާމްޕަަލް ނަަގައި، ފުލުހުން ވަނީ މި މައްސަލަ އިތުރަށް ތަހުގީގު ކުރަން ފަށައިފަ އެވެ.