ފުލުހުންގެ އިންޓެލިޖެންސަށް ލިބުނު މަޢުލޫމާތަކާއ ގުޅިގެން ސ.ހިތަދޫގައި މަސައްކަތް ކުރާ ފުލުހުން ހިންގި އޮޕަރޭޝަނެއްގައި މަސްތުވާތަކެތި ކަމަށް ޝައްކު ކުރެވޭ އެއްޗެއް އަޅާފައި ހުރި ދަޅަކާ އެކު މީހަކު ހައްޔަރުކޮށްފި އެވެ.
ފުލުހުން ބުނީ މަސްތުވާތަކެތި ކަމަަށް ބެލެވޭ އެއްޗެއް އަޅާފައި ހުރި ހުސް ކުރި ބާމް ދަޅަކާ އެކު ހައްޔަރު ކުރީ 20 އަހަރުގެ ފިރިހެނެއް ކަމަށެވެ. ނަމަވެސް އޭނާގެ ނަމެއް ފުލުހުން ހާމައެއް ނުކުރެ އެވެ.
އަދި އޭނާ ހައްޔަރު ކުރީ މިދިޔަ ހޮނިހިރު ދުވަހުގެ ހެނދުނު 11:00 އެހާކަށްހާ އިރު އެވެ.
މަސްތުވާތަކެތި ކަމަށް ޝައްކު ކުރެވޭ އެއްޗެއް ހުރި ބާމް ހުސްކުރި ދަޅު ފެނިފައި ވަނީ އޭނާ ދިރިއުޅޭ ގޭގެ ކޮޓަރިއެއްގެ ތެރޭގައި ހުރި އެނދެއްގެ ދަށުންނެވެ.
މި މައްސަލަ ހިތަދޫ ޕޮލިސް ސްޓޭޝަނުން އަންނަނީ އިތުރަށް ތަހުގީގު ކުރަމުންނެވެ.