އެއް ވަނަ އަށް ހޮވޭ ފަރާތަކަށް އުމްރާ ދަތުރެއް ލިބޭ އިސްލާމް މުގައްރަރު ތަފްސީރުކޮށް ކިޔެވުމަށް ބޭނުންވާ ފަރާތްތަކަށް ހާއްސަކޮށްގެން ކޯހެއް ކުރިއަށް ގެންދާ ގޮތަށް ނިންމައިފި އެވެ.
ނުވަ މަސް ދުވަހުގެ މުއްދަތަށް މި ކޯސް ކުރިއަށް ގެންދާ ގޮތަށް ހަމަޖެހިފައި ވަނީ މަރަދޫ މަސްޖިދުލް އިހްލާސް (ބުރުޒު) މިސްކިތުގަ އެވެ.
ކޯހުގައި ބައިވެރިވުމުގެ ފުރުސަތު މި މަހުގެ 20 ވަނަ ދުވަހާ ހަމައަށް ވަނީ ހުޅުވާލައިފަ އެވެ. ބައިވެރިވާން އެދޭ ފަރާތްތަކުން އެސްއެމްއެސް މެދުވެރިކޮށާއި ގުޅައިގެން ވެސް ނަން ނޯޓް ކުރެވޭނެ އެވެ. ގުޅަން ޖެހޭ ނަމްބަރަކީ 7866668 އެވެ.
މި ކޯހުގައި ކިޔަވައި ދެއްވާ ޝައިހް އަބްދުﷲ ސިއްދީގު، ޝައިހް މުހައްމަދު އަނީލް އާއި ޝައިހް މުހައްމަދު އަފީފަކީ މަދީނާގެ އިސްލާމިކް ޔުނިވަސިޓީން ޝަރީއާ އިން ބީއޭ ނަންގަވާފައިވާ ބޭފުުންނެވެ.
އަދި ޝައިހް މުހައްމަދު ޝަމްއޫނަކީ މަދީނާގެ އިސްލާމިކް ޔުނިވަސީޓީން ހަދީސް އިލްމުން ބީއޭ ނަންގަވާފައިވާ ބޭފުޅެކެވެ. މީގެ އިތުރުން އަލްއުސްތާޛު އަލީ ޝައުޒޫނަކީ ގައުމީ ޔުނިވަސިޓީން އިސްލާމިކް ސްޓަޑީޒުން ބީއޭ ނަންގަވާފައިވާ ބޭފުޅެކެވެ.
މި ކޯހުން އެއް ވަނަ އަށް ދާ ފަރާތްތަކަށް އުމްރާ ދަތުރެއް، ލިބޭ އިރު ދެވަނަ އާއި ތިން ވަނަ އަށް ވެސް ހާއްސަ އިނާމެއް ވަނީ ކަނޑައަޅައިފަ އެވެ.