މިއަދު ބޭއްވި ތިން ރަށެއްގެ އަންހެނުން ކުރިއަރުވާ ކޮމެޓީގެ ބައި އިލެކްޝަން ޕީޕީއެމް ގެ ދެ މެމްބަރުން އަދި އެމްޑީޕީގެ އެއް މެމްބަރަކު އިންތިހާބުވެއްޖެ އެވެ.
މިއަދު ބާއްވާފައިވަނީ ހދ. ނޭކުރެންދޫ، ނ. ކެނދިކުޅުދޫ އަދި ރ. މަޑުއްވަރީ އަންހެނުންގެ ތަރައްޤީއަށް މަސައްކަތްކުރާ ކޮމިޓީ ބައި އިލެކްޝަނެވެ.
މިތިން ރަށުގެ އަންހެނުން ކުރިއަރުވާ ކޮމެޓީގެ ބައި އިލެކްޝަނުގައި ވެސް ޕީޕީއެމްގެ ކެންޑިޑޭޓުން ވާދަކުރި އެވެ. އެހެން އެހެން ނަމަވެސް އެމްޑީޕީގެ ކެންޑިޑޭޓު ވަދަކުރީ ހަމަ އެކަނި މަޑުއްވަރީ އާއި ކެނދިކުޅުދޫ އިންތިހާބުގަ އެވެ. އަދި ނޭކުރެންދޫއިން ޕީޕީއެމްގެ ކެންޑިޑޭޓާ ވާދަކުރީ އަދާލަތު ޕާޓީގެ ކެންޑިޑޭޭޓެކެވެ.
މަޑުއްވަރީ އިންތިހާބު އެމްޑީޕީގެ ކެންޑިޑޭޓް ސާޖިދާ މުހައްމަދު ކާމިޔާބުކުރީ ޕީޕީއެމްގެ ކެންޑިޑޭޓު އިރާޝާއާ ވާދަ ކޮށްގެނެވެ. އަދި ހދ ކެނދިކުޅުދޫ އިންތިހާބު ޕީޕީއެމްގެ ކެންޑިޑޭޓް އައިޝަތު ސަލްމާ ކާމިޔާބުކުރީ އެމްޑީޕީގެ ކެންޑިޑޭޓް، އައިޝަތު އަޒްރާ އާ ވާދަކޮށްގެނެވެ.
ހދ. ނޭކުރެންދޫ އިންތިހާބު ޕީޕީއެމްގެ ކެންޑިޑޭޓް، ހަދީޖާ އިބްރާހިމް ކާމިޔާބުކުރީ އަދާލަތު ޕާޓީގެ ކެންޑިޑޭޭޓް، މަރިޔަމް ނަޒްރާ އާ ވާދަކޮށްގެނެވެ.