ހުޅުމީދޫ ޕޮލިސް ސްޓޭޝަނުން އެ ރަށުގައި ޓްރެފިކް އޮޕަރޭޝަނެއް ހިންގައިފި އެވެ.
މި މަހުގެ 4 ވަނަ ދުވަހުގެ ހަވީރު ހުޅުމީދޫ ޕޮލިސް ސްޓޭޝަނުގައި މަސައްކަތް ކުރާ ފުލުހުން ހިންގި މި ޓްރެފިކް އޮޕަރޭޝަނުގައި ވަނީ ތިން ސަރަަޙައްދެއްގައި ވެހިކަލް ޗެކްޕޮއިންޓް ޖަހައި ވެހިކަލްތައް ޗެކްކޮށްފަ އެވެ.
އެގޮތުން 49 ވެހިކަލެއް ބަލައި ފާސްކޮށްފައިވާ އިރު އެއްގަމު ދަތުރުފަތުރުގެ ޤާނޫނާ ޚިލާފުވި ނުވަ ފަރާތެއް ވަނީ ޖޫރިމަނާކޮށްފަ އެވެ.
މި އޮޕަރޭޝަނަކީ ހުޅުމީދޫގެ މަގުތަކަކީ ރައްޔިތުންނަށް އަމާންތަނަކަށް ހެދުމަށާއި މަގުމަތީގައި ޤަވާއިދާއި ޚިލާފަށް ދުއްވާ އުޅަނދުތައް ދެނެގަނެ އެފަރާތްތަކުގެ ސަބަބުން މަގުމަތީގައި ހިނގާފާނެ ނުރައްކާތެރި ހާދިޘާތަކަށް ރައްޔިތުން ހޭލުންތެރި ކުރުމުގެ އިތުރުން މަގުމަތީގައި ހިނގާފާނެ ނުރައްކާތެރި ހާދިޘާތައް މަދުކުރުމުގެ ގޮތުން ކުރިއަށް ގެންދިޔަ އޮޕަރޭޝަނެކެވެ.
މި އޮޕަރޭޝަނަށް ހުޅުމީދޫ ރައްޔިތުންގެ ފަރާތުން ވަރަށް ބޮޑު އެއްބާރުލުމެއް ލިބިފައި ވާކަމަށް ހުޅުމީދޫ ޕޮލިސް ސްޓޭޝަނުން ބުންޏެވެ.