ކޮވިޑް-19 ގައި ރާއްޖެއިން އިތުރު މީހަކު މަރުވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފައިވަނީ ރޭ ދަންވަރު 03:15 ހާއިރު ހުޅުމާލެ މެޑިކަލް ފެސިލިޓީގެ އައިސީޔޫގައި ފަރުވާދެމުން އައި މީހަކު މަރުވެފައިވާކަމަށެވެ.
މަރުވެފައިވަނީ އުމުރުން 44 އަހަރުގެ ދިވެހި އަންހެނެކެވެ. މިއާއެކު ކޮވިޑް-19 ގައި ރާއްޖެއިން މަރުވި މީހުންގެ އަދަދު ވަނީ 240 އަށް އަރާފައެވެ.
ރާއްޖޭގައި މިހާތަނަށް 86،419 މީހުން ކޮވިޑް-19 އަށް ޕޮޒިޓިވް ވެފައިވާއިރު އެކްޓިވް ކޭސްގެ ގޮތުގައި މިވަގުތު ތިބީ 1311 މީހުންނެވެ. މިބަލި ޖެހުނު ޖުމުލަ 84،856 މީހުން ވަނީ ރަނގަޅުވެފައެވެ.