މީދޫ ކޯގަންނު ގަބުރުސްތާނުގައި އަމިއްލަ ފަރާތަކުން އަޅާފައިވާ ދޮޅިދާންގެއަށް ގެއްލުންދިން މައްސަލަ ފުލުހުން ބަލަން ފަށައިފި އެވެ.
ފުލުހުން ބުނީ އެ މައްސަލަ މިއަދު ހެނދުނު ފުލުހުންނަށް ހުށައަޅާފައިވާ ކަަމަށެވެ. އަދި އެމައްސަލަ މިހާރު ތަހްގީގުކުރަން ފަށާފައިވާ ކަމަށާއި ނަމަވެސް އެ މައްސަލައިގައި އަދި އެކަކުވެސް ހައްޔަރުކޮށްފައިނުވާ ކަަމަށް ފުލުހުންގެ މީޑިޔާ އިން ވަނީ ވިދާޅުވެފަ އެވެ.
މިދިޔަ ހަފްތާގައި މީދޫ އަވަށުއޮފީހާ އެތަން އަމިއްލަ ފަރާތަކުން ހަވާލުކޮށްފައިވަނިކޮށް އެތަނަށް ގެއްލުން ދިނީ އިއްޔެގެ ވަގުތެއްގަ އެވެ. އެގޮތުން ދޮޅިދާންގޭގެ ދޮރުފަތުގައި ކަޅުކުލައިގެ ސްޕްރޭ ޕެއިންޓުން ކުރަހާފައިވާއިރު، ފާރުގައިވެސް ވަނީ ލިޔުންތައް ކިޔެފަ އެވެ.
މީދޫ ކޯގަންނު ގަބުރުސްތާނުގައި ދޮޅިދާންގެއެއް ބިނާކޮށްފައިވަނީ މައްޔިތާ ވަޅުލުމަށް ބޭނުންވާ ހުރިހާ ސާމާނެއް ބެހެއްޓުމަށްޓަކައެވެ. މިތަނުގެ ނަމާމެދު ހިތްހަމަ ނުޖެހިގެން ބައެއް މީހުން މީގެ ކުރިން މީސް މީޑިއާގައި ހިތްހަމަނުޖެހުން ފާޅުކޮށްފައިވައިވެ އެވެ.
ކޯގަންނުގައި ދޮޅިދާން ގެއެއް ބިނާކޮށްފައިވަނީ މީދޫ އަވަށުގެ ރައްޔިތެއް ކަމަށްވާ ދީނާރު، ނަސީރުއެވެ.