ބޭނުންވަނީ ލިވަޕޫލްގައި ހުރެ ކެރިއަރު ނިންމާލަން ކަމަށް ލިވަޕޫލްގެ ހުނަރުވެރި ފޯވާޑް މުހައްމަދު ސަލާހު ބުނެފިއެވެ.
ސްކައި ސްޕޯޓްސް އިން ކުރި ސުވާލަކަށް ޖަވާބުދެމުން ސަލާހު ބުނީ އޭނާ އަބަދުވެސް ބޭނުމީ ލިވަޕޫލަށް ކުޅެން ކަމަށާއި ނަމަވެސް އެކަމަކީ މުޅިއަކުން އޭނަގެ އަތްމަތީގައި އޮތް ކަމެއް ނޫން ކަމަށެވެ.
"އަހަރެން ބޭނުމީ ކެރިއަރު ނިމެންދެން ލިވަޕޫލުގައި ހުންނަން. ނަމަވެސް އެއީ އަހަރެންގެ އެކަނި ނިންމުމެއް ނޫން. އޭގައި އޮންނާނީ ކްލަބުން ބޭނުންވާ ގޮތެއް" ސަލާހު ބުންޏެވެ.
މީގެ އިތުރުން ސަލާހު ބުނީ، ލިވަޕޫލާ ދެކޮޅަށް ކުޅޭ ދުވަހެއް ބަލަން ބޭނުން ނުވާކަމަށާއި، އެފަދަ ދުވަހެއް އަތުވެއްޖެނަމަ ހިތާމަކުރާނެ ކަމަށެވެ.
ސަލާހު ވަނީ ލިވަޕޫލަށް ކުޅެން ފެށުމުގެ ކުރިން ޗެލްސީއާއި ރޯމާ ފަދަ ކްލަބްތަކަށް ކުޅެފައެވެ. އެގޮތުން މިހާތަނަށް ލިވަޕޫލަށް ކުޅެދިން 214 މެޗުގައި އޭނާ ވަނީ ލިވަޕޫލަށް 137 ގޯލު ޖަހައިދީފައެވެ. ސަލާހާއެކު ލިވަޕޫލުން ހަދާފައިވާ އެއްބަސްވުން އަންނަ ސީޒަނަށްފަހު ހަމަވާނެ އެވެ.