ޑްރޯން ހަމަލާއެއްގައި އެމެރިކާއިން އަލްޤައިދާގެ އިސް ލީޑަރަކު މަރާލައިފިއެވެ.
އަލްޤައިދާއިން ސީރިއާގައި ހިންގަމުން އަންނަ ޖަރީމާތަކާ ދެކޮޅަށް އެމެރިކާއިން ކުރާ މަސައްކަތުގައި މަރާލާފައިވަނީ ޢަބްދުލް ޙާމިދު އަލް މަތަރު ނަމަކަށް ކިޔާ ލީޑަރެކެވެ. އެމެރިކާ ސިފައިން ހާމަކޮށްފައިވާ ގޮތުގައި މި ހަމަލާގައި ސީރިއާގެ އާންމުންގެ ތެރެއިން އެކަކަށްވެސް ގެއްލުމެއް ލިބިފައި ނުވާނެއެވެ.
މޭޖާ ޖޯން ރިގްސްބީ ވިދާޅުވީ، އަލްޤައިދާގެ މި ލީޑަރު މަރާލެވުމުން އެ ޖަމާޢަތުގެ ހިންގުމަށް އަސަރު ކުރާނެކަމަށާއި، އެމީހުންގެ ފަރާތުން ދުނިޔެއަށް ކުރިމަތިވާ ނުރައްކަލުން ސަލާމަތް ވާން ފަސޭހަވާނެ ކަމަށެވެ.
އެމެރިކާއިން މި ހަމަލާ ދީފައިވަނީ "އެމް.ކިއު 9" ގެ ޑްރޯނަކުންނެވެ.