މިނިސްޓްރީ އޮފް ހެލްތުގެ ސްޓޭޓް މިނިސްޓަރަކަށް ސ.މީދޫ ނަރުގިސް، ހުސެއިން ރަޝީދު، ރައީސް ޔާމީން ހަމަޖައްސަވައިފި އެވެ.
ހުސައިން ރަޝީދަކީ ކުރީގެ ރައީސް މުހައްމަދު ނަޝީދުގެ ސަރުކާރުން އައްޑޫ އަދި ފުވައްމުލަކަށް އެކުލަވާލި ސަދަން ހެލްތު ކޯޕަރޭޝަން (އެސްއެޗްއެސްސީ) ގެ މެނޭޖިން ޑިރެކްޓަރުކަން ވެސް ކުރެއްވި ބޭފުޅެކެވެ. އެ މަގާމުގައި ހުންނަވައިގެން ހިތަދޫ ރީޖަނަލް ހޮސްޕިޓަލް ރަނގަޅު ކުރުމަށް ގިނަ މަަސައްކަތްތަކެއް ކުރެއްވި އެވެ.
މީގެ އިތުރުން ހުސެއިން އަކީ ވަރަށް ގިނަ ދުވަސްތަކެއް ވަންދެން ހެލްތު މިނިސްޓްރީގައި މަސައްކަތް ކުރައްވާފައިވާ ބޭފުޅެކެވެ.
ރައީސް އަބްދުﷲ ޔާމީންގެ ސަރުކާރުން ޖެންޑާ މިނިސްޓްރީ އުވާލެއްވި އިރު އެ މިނިސްޓްރީގެ ޕާމަނަންޓް ސެކްރެޓަރީއަކަށް ހުންނެވީ ވެސް ހުސައިން ރަޝީދެވެ. އޭނާ ވަނީ ހެލްތު ކެއާ މެނޭޖްމަންޓުގެ ދާއިރާ އިން މާސްޓާސް ހައްދަވައިފަ އެވެ.
އަދި އޭގެ ކުރިން އޭނާ ވަނީ ހިއުމަން ރައިޓްސް ކޮމިޝަންގައި ވެސް މަސައްކަތް ކުރައްވައިފަ އެވެ.