ކުރީގެ ރައީސް މުހައްމަދު ނަޝީދު މިއަދު އައްޑު އަށް ވަޑައިގަންނަވާ ގޮތަށް ހަމަޖެހިއްޖެ އެވެ.
އެމްޑީޕީގެ އޮފިޝަލަކު ވިދާޅުވީ ނަޝީދު އައްޑު އަށް ވަޑައިގަންނަވާނީ މިއަދު މެންދުރު ފަހުގެ ވަގުތެއްގައި ކަމަށެވެ.
މިއީ މިދިޔަ އަހަރު ބޭއްވި ރިޔާސީ އިންތިހާބު ނާކާމިޔާބްވެވަޑައިގަތުމަށް ފަހު، ނަޝީދު އައްޑު އަށް ކުރައްވާ ފުރަތަމަ ދަތުރުކަން ފާހަގަކޮށްލެވެ އެވެ.
އަދި މި ދަތުރަކީ މި މަހުގެ 18 ގައި ބާއްވާ ލޯކަލް ކައުންސިލް އިންތިހާބުގައި އެމްޑީޕީގެ ޓިކެޓްގައި އައްޑޫން ވާދަ ކުރައްވާ ކެންޑިޑޭޓުންނަށް ކެމްޕޭންކޮށް ދެއްވުމަށް ކުރައްވާ ދަތުރެކެވެ.
މި ދަތުރުގެ ތެރެއިން ބާއްވާ ފުރަތަމަ ޖަލްސާ އޮންނާނީ މިރޭ ހުޅުމީދޫގަ އެވެ.