މާދަމާއިން ފެށިގެން އައްޑޫ ސިޓީގެ ފެރީތަކުން ދަތުރުކުރެވޭނީ ކޮވިޑް-19 އިން ދިފާއުވުމުގެ ވެކްސިން ކާޑު ދެއްކުމުން ކަމަށް އެމް.ޓީ.ސީ.ސީން ބުނެފިއެވެ.
އެ ކުންފުނިން ބުނެފައިވާ ގޮތުގައި މި ނިންމުމަކީ އައްޑޫ ސިޓީ ކައުންސިލްގެ އެދުމުގެ މަތިން ނިންމަވާފައިވާ ނިންމުމެކެވެ.
އެގޮތުން މާދަމާ އިން ފެށިގެން އެމް.ޓީ.ސީ.ސީގެ ފެރީތަކުން ދަތުރުކުރާ ފަރާތްތަކުން ވެކްސިން ކާޑު ދެއްކުމުން ޓިކެޓް ވިއްކާނެކަމަށް އެ ކުންފުނިން ވަނީ ބުނެފައެވެ. އަދި ވެކްސިން ކާޑު ހުށަނާޅާ ފަރާތްތަކުން އެ އަވަށެއްގެ އެސް.އެސް.ޑީގެ ހުއްދަ ހުށަހެޅުމުން ޓިކެޓް ދޫކުރާނެކަމަށް ވެސް އެ ކުންފުނިން ވަނީ ބުނެފައެވެ.
އައްޑޫ މޮނިޓަރިންގެ ހާލަތުގައި އޮންނަތާ އެތައް މަހެއް ވެފައިވާއިރު، އެމް.ޓީ.ސީ.ސީގެ ފެރީ ޚިދުމަތްތައް މެދުނުކެނޑި ކުރިއަށްދެއެވެ. ނަމަވެސް ފެރީގައި ދަތުރުކުރެވޭނީ އެ އަވަށެއްގެ އެސް.އެސް.ޑީގެ ހުއްދަ އޮވެގެންކަމަށް މީގެ ކުރިން އެ ކުންފުނިން ވަނީ ބުނެފައެވެ.
މީގެ ކުރިން އައްޑޫ މޮނިޓަރިންގއަށް ލުމުން ފެރީ ދަތުރުތައް އެއްކޮށް މެދުކަނޑާލައެވެ. އޭގެ ސަބަބުން ގިނަ ދަތިތަކާ އާންމުންނާ ކުރިމަތިވިއިރު، އެމް.ޓީ.ސީ.ސީން އެ ޚިދުމަތާ ހަވާލުވި ފަހުން ދަތުރުތައް މެދުނުކެނޑި ކުރިއަށްދެއެވެ.