ރިއާލް މެޑްރިޑަށް ކުޅޭ ކްރޮއޭޝިއާގެ 27 އަހަރުގެ މިޑްފީލްޑާ ލޫކާ މޮޑްރިޗް އަށް ޗެލްސީ އަދި މެން ސިޓީ އިން ޝައުގު ވެރިވާ ކަމަށް ރިޕޯޓްތައް ބުނެ އެވެ. މިދިޔަ އަހަރު ޓޮޓެންހެމް އިން އޭނާ ރެއާލް އަށް ބަދަލުވި ފަހުން އެދެވޭ ފެންވަރުގެ ކުޅުމެއްް ރެއާލް ގެ ޖާޒީގައި އޭނާ ދައްކާފައެއް ނުވެ އެވެ.
33 މިލިއަން ޕައުންޑް ގެ ޓްރާންސްފާއެއްގައި އޭނާ ރެއާލް އާއި މިދިޔަ އަހަރު ގުޅުމަށް ފަހު ފުރަތަމަ އެގާރައިގައި ވެސް އޭނާ އަށް ޖާގަ ނުލިބިފައި ވާއިރު މިއީ ބޮޑު ފްލޮޕެއް ކަމަށް ގިނަ ބަޔަކު ދެކެއެވެ. ޒާބީ އޮލޮންސޯ އަދި އޯޒިލް ފަދަ ކުޅުން ތެރިން ތިބި ޓީމެއްގައި، ކޮންމެ ކުޅުންތެރިއަކަށް ވެސް ފުރަތަމަ އެގާރައިން ޖާގަ ހޯދުން ވާނީ އުނދަގޫ ކަމަކަށެވެ. އަދި މޮޑްރިޗަށް އޭނާ އިނގިރޭސި ލީގުގައި ދެއްކި ކުޅުން ރެއާލް އަށް ބަދަލުވުމަށް ފަހު ނުދެއްކޭ ކަމީ އޭނާ ރެއާލްއާއި އެކު ކުރިއަށް ދިއުމަށް އެޅިގެން ދާނެ ބޮޑު ހުރަހެކެވެ.
ޗެލްސީއިން ދަނީ މޮޑްރިޗްގެ ހާލަތު މޮނިޓާ ކުރަމުންކަމަށް ގިނަ އިނގިރޭސި ނޫސްތަކުން ބުނެ އެވެ.ފްރޭންކް ލަމްޕާޑް ދޫކޮށްލަން ނިންމާފައި ވާއިރު ޗެލްސީއަށް އާ މިޑްފީލްޑަރެއް ވަރަށް މުހިންމެވެ.