ހިތަދޫ މަގުމަތިން ހިނގާފައި ދިޔަ މީހެއްގެ އަތުން ވޮލެޓެއް 4،000ރ. އާ އެކު ފޭރިގަތް މައްސަލައަކާ ގުޅިގެން މީހަކު ހައްޔަރުކޮށްފި އެވެ.
މި މައްސަލާގައި ކޯޓު އަމުރެއްގެ ދަށުން ހައްޔަރުކޮށްފައި ވަނީ 31 އަހަރުގެ ފިރިހެނެކެވެ.
އޭނާއަކީ ފޭރުމާއި ވައްކަމާއި މާރާމާރީގެ އިތުރުން މަސްތުވާތަކެތީގެ ކުށުގެ ރެކޯޑް އޮންނަ މީހެއް ކަމަށް ފުލުހުން ބުންޏެވެ. އޭނާ ހައްޔަރުކޮށްފައި ވަނީ އިއްޔެ ހެނދުނު 11:15 އެހާކަށްހާ އިރު ހިތަދޫ މަގުމަތިންނެވެ.
މި މަހުގެ ހަ ވަނަދު ވަހުގެ 13:20 އެހާކަށްހާ އިރު ފުލުހުންނަށް ހުށަހެޅި މި މައްސަލާގައި ފޭރިގަނެފައިވާ ވޮލެޓާއި ފައިސާތައް ހޯދުމުގެ މަސައްކަތް ހިތަދޫ ޕޮލިސް ސްޓޭޝަނުގައި މަސައްކަތްކުރާ ފުލުހުން ދަނީ ކުރަމުންނެވެ.