އައްޑޫސިޓީ މަރަދޫފޭދޫގައި ހިނގި ނުރައްކާތެރި އެކްސިޑެންޓެއްގައި އަނިޔާވި ދެމީހުން އިތުރު ފަރުވާއަށް މާލެއަށް ފޮނުވައިފިއެވެ.
މިދިޔަ ހޯމަދުވަހުގެ ރޭ ހިނގި އެކްސިޑެންޓުގައި އަނިޔާވެފައިވަނީ 20 އަހަރާއި 76 އަހަރުގެ ދިވެހި ފިރިހެނުންނަށެވެ.
ފުލުހުން ހާމަކޮށްފައިވާ ގޮތުގައި އެރޭގެ 8 ޖަހާކަށްހާއިރު އެކްސިޑެންޓުގެ މައުލޫމާތު ލިބުނުކަމަށާއި، އެންމެ ފުރަތަމަ ދެމީހުންވެސް ގެންދިޔައީ އައްޑޫ އެކުއެޓޯރިއަލް ހޮސްޕިޓަލަށް ކަމަށެވެ.
ފުލުހުންގެ މީޑިއާ އޮފިޝަލަކު ވިދާޅުވެފައިވާ ގޮތުގައި މި ދެމީހުންނަށްވެސް މިހާރު އަންނަނީ އިންދިރާ ގާނދީ މެމޯރިއަލް ހޮސްޕިޓަލުގައި ފަރުވާދެމުންނެވެ.