ކާށިދޫ ދާއިރާގެ މެމްބަރު އަބްދުﷲ ޖާބިރުގެ ހުތު އަމަލެއް އަނެއްކާވެސް ސޯޝަލް މީޑިޔާގައި އާއްމުވެއްޖެ އެވެ. މި ފަހަރު އާއްމު ވެފައިވާ ވީޑިއޯގައި ފެންނަނީ އާއްމުންގެ ސައިކަލްތަކަކަށް ގެއްލުންދޭ މަންޒަރެވެ.
މި މަންޒަރުގެ ވީޑިއޯ ޓުވީޓް ކުރި އާއްމު މީހަކު ބުނެފައިވަނީ ގެެއްލުން ދެމުންދިޔައީ ހ.ތިމާވެށި ކުރިމަތީ ހުރި ސައިކަލްތަކަށް . ކަމަށެވެ. ވީޑިއޯގައި ފެންނަނީ ޕާކްކޮށްފައިވާ ސައިކަލްތަކެއް އަތުން ކޮއްޕާލާ ވައްޓާލާ މަންޒަރެވެ. ސައިކަލްތައް ވައްޓާލަމުން ގެންދެވިއިރު ކޮންމެވެސް ކަމަކާ ހިތްހަމަޖެހިވަޑައިނުގެއް އެއްޗެހިތަކެއް ވިދާޅުވާއަޑު އިވެ އެވެ. ނަމަވެސް ވިދާޅުވަމުން ދިޔައީ ކޮން އެއްޗެއް ކަމެއް ސާފެއްނުވެ އެވެ.
H. Thimaaveshi kurimathee huri cycle thakakah @chairmanjabir gellun dhenee pic.twitter.com/xIukpp5ftf
— Ali yaamin (@yaamin_ali) October 28, 2021
ފަހަކަށް އައިސް ޖާބިރުގެ ފަރާތުން ހިތުރު މަންޒަރުތައް ދަނީ ފެންނަމުންނެވެ. އޭގެ ތެރޭގައި ރައްޔިތުންގެ މަޖިލީހުގެ އިދާރާ ކުރިމަތީ އޮށުއްވެވަޑައިގެން އޮންނަވާ އައުގުރާނަ ބަސްތައް ވިދާޅުވުމާއި އެތަނުގެ ބައެއް މުވައްޒަފުނަށް ފުރައްސާކުރުން ހިމެނެ އެވެ. އަދި އެހެންމެ އަރަބި ބަސްތައް ބޭނުންކޮށްގެން އިސްލާމް ދީނަށް ފުރައްސާރަވާ ގޮތައް އަދަބު ކުޑަ ގޮތްތަކަށް ރައްޔިތުންގެ މަޖިލީހުގައި އާއި އާއްމު ތަންތަނުގައި ވާހަކަ ދައްކަވާފައިވެ އެވެ. މީގެ އިތުރުންވެސް އަވަގުރާނަ ބަސްތައް އާއްމުންނަށް ރައްދުކުރާ ބައެއް އޯޑިއޯތަކާއި މަންޒަރުތައް ވެސް ސޯޝަލް މީޑިޔާގައި ވަނީ އާއްމުވެފަ އެވެ.
ނަމަވެސް މިއިން އެއްވެސް ކަމަކާ ގުޅިގެން ފުލުހުންގެ އެއްްވެސް އެއްްޗެއް މިހާތަނަށް ވިދާޅެއްނުވެ އެވެ.