މިއަދު ބޭއްވި ޅ.ކުރެންދޫ އަންހެންގެ ތަރައްގީއަށް މަސައްކަތް ކުރާ ކޮމެޓީގެ ބައި އިލެކްޝަނުގައި ވެރިކަން ކުރާ މައި ޕާޓީ އެމްޑީޕީ އާއި އިދިކޮޅު ޕީޕީއެމް އިން ވާދަކޮށްގެން އެމްޑީޕީގެ ކެންޑިޑޭޓް ކާމިޔާބުކޮށްފި އެވެ.
މި އިންތިހާބުގައި ވާދަކުރީ އެމްޑީޕީގެ ކެންޑިޑޭޓަކާއި ޕީޕީއެމްގެ ކެންޑިޑޭޓު އެކަންޏެވެ. އެމްޑީޕީގެ ފަރާތުން ވާދަކުރި އައިމިނަތު ނިޒާމާ މި އިންތިހާބު ކާމިޔާބުކުރީ ޕީޕީއެމްގެ ކެންޑިޑޭޓް، އަޒީޒާ އަބްދުﷲ އާ ވާދަކޮށްގެނެވެ.
މި އިންތިހާބު ކާމިޔާބުކުރަން އެމްޑީޕީ އާއި ޕީޕީއެމް އިންވެސް ވާދަވެރި ކެމްޕެއިނެއްކުރި އެވެ.
މިއަދު ވަނީ ގއ.ވިލިނގިލީ ޑަބިލިޔުޑީސީ ބައި އިލެކްޝަން ވެސް ބާއްވާފަ އެވެ. އިންތިހާބުގައި ވާދަކުރީ ޕީޕީއެމްގެ ކެންޑޭޓަކާއި އަމިއްލަ ގޮތުން ވާދަކުރި ކެންޑިޑޭޓެކެެވެ. އަމިއްލަ ގޮތުން ވާދަކުރި މަރިޔަމް ރަޝީދާ އާ ވާދަކޮށްގެން މި އިންތިހާބު ކާމިޔާބުކުރީ ޕީޕީއެމް އިން ވާދަކުރި ޝަހްމާ މުހްސިނެވެ.
މި މަހުގެ 16 ވަނަ ދުވަހުވެސް ވަނީ ތިން ރަށެއްގެ އަންހެނުން ކުރިއަރުވާ ކޮމެޓީގެ ބައި އިލެކްޝަން ބާއްވާފަ އެވެ. އޭގެ ތެރެއިން ދެ ރަށެއް ޕީޕީއެމްގެ ކެންޑިޑޭޓުން ކާމިޔާބުކުރިއިރު އެއް ރަށް އެމްޑީޕީގެ ކެންޑިޑޭޓު ކާމިޔާބުކުރި އެެވެ.