2070 ވަނަ އަހަރު ފެށެންވާއިރަށް އިންޑިއާއިން ނެޓް ޒީރޯ އެމިޝަންއަށް އަމާޒު ހިފައިފިއެވެ.
މިކަން ހާމަކުރައްވާ އެ ގައުމުގެ ބޮޑުވަޒީރު ނަރެންދުރަ މޯދީ ވިދާޅުވީ، ކްލައިމެޓް ޗޭންޖާ ދެކޮޅަށް ކުރެވެން ހުރި ހުރިހާ މަސައްކަތެއް އިންޑިއާއިން ކުރަމުން އަންނަކަމަށެވެ. އަދި 2070 ވަނަ އަހަރަށް ނެޓް ޒީރޯ އެމިޝަންއަށް ވާސިލުވުމަށް މަސައްކަތްކުރާނެކަމަށް މޯދީ ވަނީ ވިދާޅުވެފައެވެ.
އިންޑިއާއަކީ ދުނިޔޭގައި 4 ވަނައަށް އެންމެ ގިނަ ކާބޮންޑައޮކްސައިޑް ޖައްވަށް ދޫކުރާ ގައުމެވެ. އެގޮތުން 2019 ވަނަ އަހަރު އިންޑިއާއިން ވަނީ 2597 މެގަޓަނުގެ ސީއޯޓޫ ޖައްވަށް ދޫކޮށްފައެވެ. ނަމަވެސް އިންޑިއާގެ އާބާދީ ބޮޑުކަމުން އެއީ ބޮލަކަށް ގާތްގަނޑަކަށް 1.9 ޓަަނުގެ ސީއޯޓޫ އެވެ. މި އަދަދާ އަޅާބަލާއިރު، އަވަށްޓެރި ރަޝިއާއިން ބޮލަކަށް 15.5 ޓަނުގެ ކާބޮންޑައޮކްސައިޑް ކޮންމެ އަހަރު ޖައްވަށް ދޫކުރެއެވެ.