2022 ވަނަ އަހަރުގެ ފެބްރުއަރީ މަހުގައި ދިވެހިރާއްޖޭގެ ޤައުމީ ޔުނިވަރސިޓީން ފެށުމަށް ހަމަޖެހިފައިވާ ކޯސްތަކަށް ވަނުމަށް އެދި ހުށަހެޅުމުގެ ފުރުސަތު ހުޅުވާލައިފިއެވެ.
ޤައުމީ ޔުނިވަރސިޓީން ބުނެފައިވާ ގޮތުގައި 14 ނޮވެންބަރު 2021 ވާ އާދީއްތަ ދުވަހުން ފެށިގެން 27 ޖަނަވަރީ 2022 ވާ ބުރާސްފަތި ދުވަހުގެ ނިޔަލަށް އެ ޔުނިވަރސިޓީގެ ކޯސްތަކަށް ވަނުމުގެ ފުރުސަތު އޮންނާނެއެވެ.
މީގެ އިތުރުން، އެ ޔުނިވަރސިޓީން ހިންގާ ކޯސްތަކުގެ މަޢުލޫމާތު courses.mnu.edu.mv/ އިން ލިބެން ހުންނާނެކަމަށާއި، ކޯސްތަކަށް އެޕްލައިކުރުން ހަމަޖެހިފައިވަނީ އެ ޔުނިވަރސިޓީގެ ޕޯޓަލް mnu.edu.mv/apply/ މެދުވެރިކޮށް އޮންލައިންކޮށްކަމަށްވެސް އިއުލާނުގައި ވެއެވެ. ހަމައެހެންމެ، ކޯސްތަކާ ބެހޭ އިތުރު މަޢުލޫމާތު ހޯއްދެވުމަށް studentservices@mnu.edu.mv އަށް މެއިލް ކުރައްވަންވެސް ޔުނިވަރސިޓީން ވަނީ އެދިފައެވެ.
ޤައުމީ ޔުނިވަރސިޓީގެ ކޯސްތަކުގެ ޝަރުތުތައް މި ލިންކުން ބައްލަވައިލެވޭނެއެވެ. އަދި ގެޒެޓުގައިވާ އިއުލާން މި ލިންކުން ބެއްލެވޭނެއެވެ.