އައްޑޫ ސިޓީ މީދޫ އިން ކޮވިޑު-19އަށް 12 މީހަކު ޕޮޒިޓިވް ވެއްޖެ އެވެ.
ހުޅުމީދޫ ސިއްހީ މަރުކަޒުން ބުނީ މިއަދު ފެނުނު ކޭސްތަކުގެ ތެރެއިން ގިނައީ ޑައިރެކްޓް ކޮންޓެކްޓުން ކަމަށެވެ. ނަމަވެސް ހުޅުދޫ އިން މިއަދު އެއްވެސް ކޭހެއް ފެނިފައި ނުވާ ކަމަށް ސިއްހީ މަރުކަޒުން ބުންޏެވެ.
އައްޑޫގައި ކޮވިޑް-19 ހަލުވިކަމާއެކު ފެތުރެމުން ދާއިރު، މި ބަލިން ދިފާއުވުމަށް ޖަހާ ވެކްސިން އެ ސިޓީގެ ވެކްސިން ޖެހޭ އާބާދީގެ 90 އިންސައްތަ މީހުން ވަނީ ފުރިހަމަ ކޮށްފައެވެ.
ކޮވިޑާއި ގުޅިގެން އައްޑޫ މޮނީޓަރިންގެ ހާލަތަށް ގެނެސްފައިވާތާ މަހަކަށް ވުރެ ގިނަ ދުވަސް ވެފައިވާއިރު، ބަލި ފެތުރުން ކޮންޓްރޯލް ކުރުމުގެ ގޮތުން އަންނަނީ ރޭގަނޑު 9 އިން ފަތިހު ހަތަރަކަށް ކާފިއު ވެސް ހިންގަމުންނެވެ.